Yohanes 15:16 - Muna Southern Dialect

¹⁶ Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 15:16 Iomraidhean Croise

Matius 21:22

O ae maka dua nemesalomiu weo sambaheamiu, tetewei umawaeꞌomu, sumanomo kotu-kotuꞌu parasaeaꞌomu.”

Matius 7:7

“Tamesalomo tetewei damaꞌangko, taꞌondofimo tetewei poꞌawaane; tamekatengkimo fointo tetewei dalumengkaangkoe.

Lukas 6:13

Nomentae nosaliꞌimo anaguhuꞌino dahumatoe maka nepili ne olotando andoa maitu doompulu hodua. Andoa maitu nokonadamo rasulu.

Yohanes 13:18

Idi apugau miina amulaoꞌao kosasawimiu, kapaꞌamo apandeꞌaanda ndo laꞌae nepiliku. Ampamo kaowu wambano Kitabi aini tetewei nakoꞌula, ‘Mie pombaliꞌaku namewangi kanau.’

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Yohanes 15:5

Idimo ini puꞌuno angguru, hintimiu haꞌaꞌino. Sasuka seꞌiseno bhe Idi, Idi aseꞌise bhe anoa, anoa maitu nabhahi bhakeno; kapaꞌamo we simbaliku paise meafa-afaomua.

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Tula-tulando rasulu 1:24

Pada anaꞌa dosambaheamo ambado, “O Ompu Hintumo mandeꞌaono totono lalondo seemie-seemie! Fosusu kainsamie bhahaꞌi laꞌae ne olotando hoduano ini nepilimu,

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 10:41

Ampamo kaowu mohae suano sabhaha miea, tamaka sakusii nepilino wawo Lahataꞌala, insaodimo ini. Insaodi tahumaa tafohoꞌu tapombali-mbali bhe Anoa palusi kawanuꞌano maiꞌao ne mate.

Tula-tulando rasulu 22:14

Ambano, ‘Lahataꞌalando awuaꞌintoomu nopilikomo mandeꞌao patudhuno, pakade moha Mie Melaano Lalo ⸤ wutono Yesus⸥ bhe metingke suaha maiꞌaono ne wiwino.

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Roma 1:13

Bhahitieꞌiku! Gaoku mandeꞌaaneomu putae nentuhumo akopatudhu amai aꞌumondokoomu, tamaka taꞌampamo aitu sadhia bhe kapaleiku. Gaoku mpuu kahadhaaku ne olotamiu itu nakohasili dua peda ne bansano liwu suano Yahudi we liwu sigaoꞌano.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Roma 9:21

Bhahaa o pandeno nuꞌua maitu miina nakokuasa naehabu nahaa wua kaenteiꞌa maiꞌao ne sekakumbu wite mopulu? Naseewua nahumabue so kafaraluu ne kahame, seewuano so kafaraluu nepake maꞌoleo hangkowine.

1 Korintus 10:11

Bhahi-bhahiꞌae naꞌa nokadhadhia ne andoa so nembaliꞌao sandaha ne mie bhaindo. Bhahi-bhahiꞌae naꞌa notibuhi dua so kafodhaga ne intaodiomu dumadino ne pandano dhamani ini.

Galatia 1:15

Tamaka hampano kataano lalono, Lahataꞌala nopili kanau mpini weo haebu bhe nobhasi kanau ameompu ne Anoa.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Kolose 1:6

Bhihita Metaa ini ingka nohatokomoomu dua. Ne kosekaꞌewaꞌae dhunia sadhulu kaꞌewa nolele bhe sadhulu kabhahi hasilino ⸤ maꞌanano sadhulu kabhahi mie marasaeano ne Kristus bhe notibhalii podiundo⸥ . Pedamo dua anaꞌa ne hintimiu, notanda oleo kabhao-bhaono fetingkeomu bhe kotu-kotuꞌu pandeꞌaoꞌomu kanini kaasino Lahataꞌala.

1 Timotius 2:7

Kanandooꞌanomo idi ini nosangke kanau aembali guru bhe rasulu meowano bhihita ne mie suano Yahudi, amoleleanda bhihitano kaparasaea bhe kabanara. Wambaku ini nokotuꞌu, miina akopahaa.

2 Timotius 1:11

Somo Bhihita Metaa aini, Lahataꞌala nosangke kanau so mosampeno bhoasaono, o rasulu bhe guru.

2 Timotius 2:2

Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

Titus 1:5

Patudhuku ahunsako we witeno Kreta so mekataaꞌiꞌao pataꞌo tiꞌatoroꞌano. Patudhuku dua mesangke kamungkulaꞌi so neangkando umati ne seꞌonu-seꞌonu liwu, peda nefohatoꞌaoku kohaꞌanomo.

Ibrani 11:4

Hampano kaparasaeano, Habel nefoampe kapopanga metaa, noliuꞌe kapopangano Kain. Hampano kaparasaeano maitu Habel nosambili metaaꞌe Lahataꞌala peda seemie banara, mbaꞌinomo kapopangano maitu noꞌiaꞌane Lahataꞌala. Habel nomatemo, tamaka hampano kaparasaeano maitu, ampa aitu kao-kaomo nandoo sadhia nopugau.

Yakobus 3:18

Daanumo o kataa bhe kabanara ingka hasilino pometaaꞌa, tapedamo bhakeno kantisa tumumbuno maiꞌao ne wine neꞌewindo mie meowano pometaa.

1 Petrus 3:15

Fosibhalaomu Kristus weo totono lalomiu, ampamo Anoa so Ompu weo dadimiu. Sadhia mantaa-ntaaꞌomu tumobhoosiomu mie meenaꞌaono kaposahunaꞌao nefintahakimiu itu. Tamaka tobhoosiandaomu kamaluno lalo bhe adhatidaomu.

1 Petrus 3:2

Kapaꞌamo tetewei damohae kamoindano bhe kalebeno dadimiu.

1 Yohanes 4:10

Suano intaodiomu maꞌinduluno moasiꞌaono Lahataꞌala, tamaka Anoa fomoasiꞌaono sampe notudu Anano nembali kapopanga pometaaꞌaono manusia bhe Lahataꞌala, mosalinomo dhosantoomu. Ainiꞌaemo kanini kaasi sakotuꞌuno.

1 Yohanes 4:19

Intaodiomu ini dofomoasiꞌao, hampano Lahataꞌala paꞌindulumo nofomoasiꞌao.