Yohanes 15:11 - Muna Southern Dialect

¹¹ Kosasawiꞌae ini afohatoangkoeꞌomu neanomo kawulano laloku naeate we lalomiu bhe kawulano lalomiu nasumungku.

Yohanes 15:11 Iomraidhean Croise

Lukas 15:23

Meala kaitaomu anano sapi kampuhobuku maka sumbeleeꞌomu. Maimoomu, daomaaꞌomu bhe dahumame-hameomu.

Lukas 15:32

Nopantasi mpuu daoꞌiaꞌomu bhe dahumame-hameomu kapaꞌamo aimu kanggetu nomatemo, gahaꞌa sulimo nodadi, nomiinae sulimo apoꞌawaane.’ ”

Lukas 15:5

Satiꞌawano natumongkuemo, kaꞌosano kaꞌiano.

Lukas 15:9

Satiꞌawano nabhasimo sabhangkaꞌino bhe santieneno maka namugau, ‘Moꞌia kaitaomu, hampano dhoiku miinaeꞌano aꞌawaemo.’

Yohanes 16:24

Ampa oleo itu miinaꞌo konimesaloomu weo neaku. Dadiꞌanomo tamesalomoomu, tetewei tumahimaeꞌomu neanomo nasumangkamo kawulano lalomiu.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

Filipi 1:25

Aparasaea mpuu bhe apandeꞌaanemo putae nandoo sumadaa-daa aeate bhe hintimiu, neanomo sadhulu-dhulu katangkano kaparasaeamiu bhe kawulano lalomiu.

1 Tesalonika 5:16

Sadhia fowula lalomiu.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

1 Yohanes 1:4

Bhahi-bhahiꞌae ini tabuhiangkoeꞌomu so nosangkaꞌao kawulano lalontoomu.

2 Yohanes 1:12

Nandoo nobhahi sepaliꞌa so nefohatoꞌaoku ne hintimiu, ampamo kaowu naetaa pae abuhie ne suha. Aposahunaꞌao amai adumongawikoomu maka daetula-tula dapowise-wiseomu, nosangkaꞌao kaꞌiantoomu.