Yohanes 14:2 - Muna Southern Dialect

² Te lambuno Amaku nobhahi kaeateꞌa, ane paise tetewei amohatokoomu. So kakalaꞌaku te naꞌa aefontaa-ntaaꞌangkoomu kaeateꞌamiu.

Yohanes 14:2 Iomraidhean Croise

Lukas 14:22

Palusi anaꞌa nohatomo bhatua nopolele ambano, ‘Pahinta waompu padamo adhalangie, tamaka nandoo dua kaengkohaꞌa.’

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

Yohanes 13:36

Nopugaumo Simon Petrus ne Yesus ambano, “Waompu, kumala ne amai gahaꞌa?” Ambano Yesus, “We kahopeꞌaku paise naembalia mangkafi kanau aitu, tamaka mada kaowu mangkafi kanau.”

Yohanes 14:28

Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

1 Tesalonika 5:9

Kapaꞌamo Lahataꞌala miina nafopili so nofokantibhaꞌao amaha, tamaka so daeꞌawaꞌao kasalamatiꞌa mangkaꞌano ne Yesus Kristus Ompuntoomu.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Ibrani 11:10

Kapaꞌamo Abraham neanta-antagi naeate ne seꞌonu kota kosandi motangkano, kota anaꞌa noꞌide-idee bhe nofoehee wutono Lahataꞌala.

Ibrani 13:14

Kapaꞌamo we dhunia ini miina bhe liwu kaeateꞌantoomu suhue dhamani, neꞌondofintoomu o kota we oleo mbuhumai ⸤ so kapoliwuꞌantoomu suhue dhamani⸥ .

Ibrani 6:20

Yesus nopaꞌindulumo nopesua te naꞌa nofomelengkaꞌao kaangkaꞌa, nembalimo Imamu Bhalano ampa suhue dhamani peda imamu Melkisedek.

Ibrani 9:8

Noangka ne atora aini Rohino Lahataꞌala nofekantaleaꞌiemo putae ane Boloku Mongkilo sadaa-daaꞌe, ingka kaangkaꞌa damesua weo Boloku Foliuno Kangkilo miinaꞌo natilengkaa.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Powoha 21:2

Awohamo dua kota mongkilo, Yerusalem buꞌou, nosampu nomaiꞌao te surugaa, nomaiꞌao ne Lahataꞌala. Kota amaitu padamo dolegasie pasae loꞌia buꞌou hobhine napoꞌawaꞌao moꞌaneno.

Powoha 3:12

Sasuka fotalono amoehee naembali kampana weo Lambuno Lahataꞌalaku bhe paemo sepaliꞌa nalumimba maiꞌao ne naꞌa. Ne mbadhano abuhiane neano Lahataꞌalaku bhe neano kotano Lahataꞌala nekonando Yerusalem buꞌou, sumampuꞌano maiꞌaono ne Lahataꞌala te surugaa, bhe abuhiane dua neaku buꞌouꞌano.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.