Yohanes 14:15 - Muna Southern Dialect

¹⁵ “Ane moasi kanauꞌomu, tetewei mangkafieꞌomu sabhaha pahintaku.

Yohanes 14:15 Iomraidhean Croise

Matius 10:37

Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

1 Korintus 16:22

Laꞌae pata moasiꞌaono Ompu, nobalaamo! Maranata!

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

2 Yohanes 1:6

Dofomoasiꞌao, maꞌanano dodadi doangkafi pahintano Lahataꞌala. Pahintano ingka fetingkeemoomu mpini pakaparasaeamiu, dadiomu weo kanini kaasi.