Yohanes 14:12 - Muna Southern Dialect

¹² Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.

Yohanes 14:12 Iomraidhean Croise

Matius 21:21

Ambano Yesus, “Amohatokoomu, kotu-kotuꞌu ane marasaeaꞌomu bhe paise poibhahaomu, tetewei mooliomu dua mehabuomu peda nehabuku ne puꞌuno ara maitu. Bhahamoa suano kaowu taꞌo anaꞌa, tamaka mahingga pugauꞌomu ne kabhawo aini, ‘Sangke wutomu maka oho wutomu we teꞌi’, tetewei nakumadhadhia.

Markus 11:13

Nandoo se kodoꞌono nowohamo sepuꞌu ara nokohoomo. Nokalamo nofeꞌondoe bhahaꞌi kaowu bhe bhakeno. Gahaꞌa miina nakoniwohaa, taꞌo hoo, mbaꞌinomo suano wulano kakobhakeꞌano.

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

Yohanes 14:28

Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Yohanes 16:7

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu.

Yohanes 4:37

Pedamo naꞌa nokantibhamo kapalenda aini: seemie metisano, seemie tumobheno.

Yohanes 5:20

Amano noasiꞌao Anano sampe nofosusuane sabhaha nehabuno Wutono; bhahamo namosusuane habu sedhuluꞌa dua kabhalano, somo kamenteꞌamiu.

Yohanes 7:33

Ambano Yesus, “Paemo naomponaa aeate bhe hintimiua, mada anaꞌa asumulimo te Tumudu kanau.

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Tula-tulando rasulu 10:46

Kapaꞌamo dofetingkeda dopugau depake wambano Rohi bhe dopudhi kakalabhiano Lahataꞌala. Maka ambano Petrus,

Tula-tulando rasulu 16:18

Ampa seꞌoleo haa oleo sakei peda naꞌa. Tamaka Paulus miinamo namoolie lalono nofetingke kahunggaino maitu. Lasao nodoliki kalambe aitu maka nopugau ne seetani mesuakie ambano, “Weo neano Yesus Kristus, atuduko limbaꞌo toha maiꞌao ne kalambe aini.” Seetani anaꞌa lasao nolimba nomaiꞌao ne kalambe amaitu.

Tula-tulando rasulu 19:12

Mahinggamo tadowowoꞌo kakamasi tawa kabhini nepakeno Paulus maka doteiꞌe te wawondo mie mosaki, doꞌosaanemo. Sakindo tanosimiinaeꞌamo, o seetani dopuli dolimba.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

Tula-tulando rasulu 4:16

“Damafaꞌiandaomu bhahaa mie andoa inia? Kosasawindo miendo Yerusalem dopandeꞌaanemo giu timenteꞌaono nehabundo, paemo natitagalia.

Tula-tulando rasulu 4:33

O rasulu dosakusiiꞌao putae Ompu Yesus nowanumo maiꞌao ne mate. Pugaundo noponoꞌao kuasa. Kosasawindo marasaeano nobarakatida mpuu Lahataꞌala.

Tula-tulando rasulu 4:4

Tamaka metingkeno kafoguhundo dobhahi marasaeano, sampe kosasawindo umati o moꞌane kaowu dapelima hewumo.

Tula-tulando rasulu 5:15

Sampe kanandooꞌanomo dua deowaꞌi mie mosaki ne wiwino kaangkaꞌa, tadofondoledamo ne kaodoꞌa tawa ne kampasi, bhahaꞌi kaowu namangka Petrus tadua nakumantibhadamo ondulano.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Tula-tulando rasulu 8:7

Kapaꞌamo dobhahi seetani lumimbano maiꞌao ne mie nepesuakindo, dokei ampa kabhalano wobhando. Dobhahi dua kalu bhe kakempa nefekaꞌosano.

Tula-tulando rasulu 9:34

Ambano Petrus, “Eneas, aitu Yesus Kristus nofekaꞌosako, wanuꞌo toha maka fosintuwu kaodoꞌamu!” Eneas lasao nowanu.

Tula-tulando rasulu 9:40

Tamaka Petrus notududa dalumimba kosasawindo maka nofongkoha tuuno nosambahea. Pada anaꞌa nodolimo ne maeati maitu maka nopugau, “Tabita, wanuꞌo toha!” Tabita nofowulamo matano. Sanowoha Petrus, lasao nowanu nengkoha.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.