Yohanes 13:4 - Muna Southern Dialect

⁴ Dadiꞌanomo Yesus noehemo maka nolembi dhubano. Pada anaꞌa nealamo handu maka nowawee ne aano.

Yohanes 13:4 Iomraidhean Croise

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Lukas 17:7

“Ibahano ne olotamiu itu nandoo kobhatuano mbali melukuno te kaampo tawa dhumaganino kadadino. Ane bhatua naꞌa nohato nomaiꞌao te kaampo, bhahaa nasumaliꞌie, ‘Mai, lasaomo humaa’? Ingka paise.

Lukas 17:8

Tetewei napugau ne bhatua naꞌa, ‘Mefotoka kanau otiku. Loli kadeki pakeamu maka ondofa kanau ampa namada aomaa bhe aohoꞌu. Mada anaꞌa kaneꞌomo naembali momaa bhe mohoꞌu.’

Lukas 22:27

Laꞌae bhahaa foliuno kabhala? Mengkohano momaano kaa foꞌondofaono? Ingka momaano. Tamaka Idi ini ne olotamiu kanggetu foꞌondofaono.

Yohanes 13:12

Pada nofewaniu aꞌendo, Yesus nofokanamo toha dhubano maka suli nengkoha. Pada aitu nopugaumo ambano, “Losangieꞌomu bhahaa maꞌanano nehabuku ini?

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

1 Yohanes 3:11

Ingka fetingkeemoomu bhihita nefosampe mpini pakaparasaeamiu putae tabeano dapomoa-moasiꞌao.