Yohanes 13:27 - Muna Southern Dialect

²⁷ Sanoꞌawa roti anaꞌa Yudas nopesuakiemo Kafeompuꞌando seetani. Ambano Yesus ne Yudas, “Habumo fekahimba so nehabumu itu.”

Yohanes 13:27 Iomraidhean Croise

Matius 12:45

Pada anaꞌa nosulikimo sabhangkano dopipitu maka dopesua deate ne itu. Seetani bhaino maitu dofoliuꞌe dua kadaindo. Panda-pandano mie aitu dhulu kadaha bhe pakatandano. Nadamo dua anaꞌa so kumadhadhiaꞌano ne mie modaino dhamani aini.”

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

Markus 6:25

Kalambe amaitu lasao nosuli nofohato Herodes, ambano “Aesalo fotuno Yohanes Fokadiuno, datumeiꞌe ne tala. Amalaemo dua aitu!”

Lukas 22:3

Wakutuu anaꞌa totono lalono Yudas Iskariot nopesuakiemo Kafeompuꞌando seetani. Anoa ini seemie maiꞌao ne anaguhuꞌino Yesus ompulu hoduano.

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Yohanes 13:28

Tamaka ne olotando mengkoha-ngkohano momaano maitu bhe naseemie miina bhe lumosangie maꞌanano pugauno Yesus maitu ne Yudas.

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Tula-tulando rasulu 5:3

Tamaka Petrus nopugaumo ne Ananias ambano, “Ananias, noafa gahaꞌa totono lalomu nokuasaiane Kafeompuꞌando seetani, sampe gau-gaumo Rohino Lahataꞌala? Ingka olino witemu sedawu hunsae so wutomu?