Yohanes 13:23 - Muna Southern Dialect

²³ Anaguhu kamoasiꞌaono Yesus, anoa ini nengkoha ne sohihino Yesus.

Yohanes 13:23 Iomraidhean Croise

Lukas 16:22

Kaowu mie kumadee-deeno naꞌa nomatemo, maka doampee malaꞌekati te awino Abraham.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 11:3

Hobhine andoa naꞌa depakatumo bhihita ne Yesus ambado, “Ompu, mie nemoasiꞌaomu nosaki.”

Yohanes 11:36

Ambado miendo Yahudi, “Wohaomu itu, kaꞌosano kaasino ne Lasarus.”

Yohanes 11:5

Yesus noasiꞌao Marta bhe aino hobhine bhe Lasarus.

Yohanes 13:24

Simon Petrus nokampihumo sabhangkano naꞌa notudue nameena, bhahaꞌi laꞌae nepulaoꞌaono.

Yohanes 13:25

Anaguhu mengkohano ne sohihino Yesus naꞌa nodhulupiemo maka nofeena ambano, “Waompu, laꞌae bhahaa?”

Yohanes 19:26

Nowoha inano bhe anaguhu kamoasiꞌaono, Yesus nopugaumo ne inano ambano, “Ina, aituꞌaemo anamu!”

Yohanes 20:2

Lasao notende nopoꞌawaꞌao Simon Petrus bhe anaguhu sigaoꞌano, kamoasiꞌaono Yesus. Nofohatoda ambano, “Ompu padamo doalae mie maiꞌao weo kobuhu, maka miina tamandeꞌaanea bhahaꞌi doowae ne amai.”

Yohanes 21:20

Wakutuu anaꞌa Petrus nodolimo, gahaꞌa nowohamo anaguhu kamoasiꞌaono Yesus noangkafida. Anaguhumo aini mengkohano ne sohihino Yesus wakutuuno dohumaa bhe nofeena ambano, “Ompu, laꞌae bhahaa so mowako ne kaewa?”

Yohanes 21:24

Anaguhumo aini sumakusiiꞌaono kosasawiꞌae kadhadhia aini. Padamo dua nobuhie, bhe dopandeꞌaaneomu kasakusiino nokotuꞌu.

Yohanes 21:7

Anaguhu kamoasiꞌaono Yesus nopugaumo ne Petrus ambano, “Ingka Ompu maitua.” Nofetingke putae Ompu maitu, Simon Petrus nebhadhumo kapaꞌamo saꞌituini miina nakobhadhua, maka nopunda weo teꞌi.