Yohanes 13:17 - Muna Southern Dialect

¹⁷ Ane kosasawiꞌae ini pandeꞌaaneomu maka kodawua mpuu ane dhumalangieꞌomu.

Yohanes 13:17 Iomraidhean Croise

Matius 12:50

Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

Lukas 11:28

Tamaka Yesus tanopugau ambano, “Uumbe, tamaka sedhuluꞌa kakodawuando metingkeno bhoasaono Lahataꞌala bhe doangkafie.”

Yohanes 15:14

Hintimiumo sabhangkaꞌiku, sumanomo mangkafiomu pahintaku.

Roma 2:13

Kapaꞌamo suano mie metingkeno tubhono agama Yahudi banarano te wiseno Lahataꞌala, tamaka mie dhumalangino tubhono agama maitu so netahimano Lahataꞌala peda mie banara.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Yakobus 1:25

Dadiꞌanomo tabeano damotinda-tindae, daꞌumondofaane bhe dadhumalangie mpuu kafoinaꞌuno Lahataꞌala. Kapaꞌamo pahintano Lahataꞌala naꞌa nosangka bhe nokokuasa nofobebasi manusia ⸤ maiꞌao ne dhosa⸥ . Dadiꞌanomo koise taꞌometingke kaowu bhoasaono Lahataꞌala maka molimpuꞌaane. Kapaꞌamo mie dhumalangino bhoasaono nabarakatie Lahataꞌala ne sabhaha nehabuno.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.