Yohanes 12:43 - Muna Southern Dialect

⁴³ Andoa doasiane kafosibhala ne manusia bhe ne Lahataꞌalaa.

Yohanes 12:43 Iomraidhean Croise

Matius 6:2

Dadiꞌanomo ane fowaꞌao sadhakaa koe mefole-folelea, peda nehabundo mie mehaaꞌulano. Andoa ini dohabu peda anaꞌa weo lambu-lambu kasambaheaꞌa tawa ne kaangkaꞌa so dotipudhiꞌao ne mie bhaindo. Amohatokoomu, kotu-kotuꞌu andoa maitu dotahimaemo ponambodoa.

Lukas 16:15

Nopugaumo Yesus ne andoa ambano, “Hintimiu ini fotiwoha wutomiu ne wisendo manusia peda mie banara, tamaka Lahataꞌala nopandeꞌaane totono lalomiu. Kapaꞌamo diu nekonando manusia foliunomo kakesa, nobansie Lahataꞌala.

Lukas 19:17

Nopugaumo kafeompuꞌa naꞌa ambano, ‘Nokesa sepaliꞌa itu, hintu bhatua metaa, notuhu lalomu ne taka mohobu, dadiꞌanomo amaꞌangko meowa naompulu onu liwu.’

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 5:41

Idi miina aeꞌondofi kafosibhalando manusia.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Yohanes 7:18

Ane o mie nofofoinaꞌu nomaiꞌao ne fekihino wutono, mie aitu neꞌondofi kafosibhala so wutono. Tamaka mie meꞌondofino kafosibhala so Tumudue, mie aitu nelaa lalono, miina bhe modaiꞌano weo totono lalono.

Yohanes 8:54

Ambano Yesus, “Ane amosibhala kaowu Wutoku, miina nakoꞌulu-uluꞌa. Tamaka mosibhala kanau ingka Amaku, Anoamo itu nekonamiu Lahataꞌalamiu.

Roma 2:29

Tamaka miendo Yahudi sakotuꞌuno, miina natiwoha ne mbadhano, tamaka ne totono lalono. Pedamo dua kasuna sakotuꞌuno, suano kasunano mbadha doangkafi tubho tibuhino, tamaka kasunano totono lalo nehabuno Rohino Lahataꞌala. Mie pedando aitu naetahima kapudhi maiꞌao ne Lahataꞌala, suano maiꞌao ne manusia.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

2 Korintus 10:18

Kapaꞌamo mie so moolino ne kaꞌudhi, suano mie mudhino wutono, tamaka mie nepudhino Ompu.

1 Tesalonika 2:6

Insaodi miina dua taeꞌondofi kapudhi, naetaa namaiꞌao ne hintimiu, naetaa ne mie sigaoꞌano, mahinggamo insaodi rasuluno Kristus sakotuꞌuꞌano takohaku taesalo ne hintimiu.

1 Petrus 3:4

Tamaka kakesamiu tabeano namaiꞌao weo totono lalo, o kamalu bhe katohopono lalo. Aini saneamo lega pata mopoopulino, saneamo foliuno kaꞌali ne pomatano Lahataꞌala.