Yohanes 12:35 - Muna Southern Dialect

³⁵ Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Yohanes 12:35 Iomraidhean Croise

Lukas 18:37

Ambado mie, “Yesus miendo Nasaret noangka ne ini.”

Yohanes 11:10

Tamaka sasuka mekala-kalano kohondoꞌa natituno, hampano miina nakokantaleaꞌa ne wutonoa.”

Yohanes 11:9

Ambano Yesus, “Ingka seꞌoleo ompulu haa dhamu. Sasuka mekala-kalano ole-oleo paise natitunoa, hampano nandoo nowoha kantaleano dhunia ini.

Yohanes 12:36

Parasaeamoomu ne Tilanga maitu, tinangke nandooꞌe bhe hintimiu, neanomo membaliomu miendo tilanga ⸤ maꞌanano mie mangkafino kapoindalono Lahataꞌala⸥ .” Pada nopugau peda naꞌa Yesus nokalamo, nokiidomo namotiwoha Wutono ne andoa.

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.

Yohanes 16:16

“Tana sebantaha paemo moha kanauꞌomu, tamaka tana sebantaha toha moha kanaumoomu dua.”

Yohanes 7:33

Ambano Yesus, “Paemo naomponaa aeate bhe hintimiua, mada anaꞌa asumulimo te Tumudu kanau.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

Efesus 5:8

Daanumo endefiꞌini hintimiu meateomu weo kahohondo, tamaka ampa aitu pesuamoomu we mentaleaꞌano, seꞌisemoomu bhe Ompu. Dadiꞌanomo dadiomu peda mie meateno ne mentaleaꞌano.