Yohanes 12:27 - Muna Southern Dialect

²⁷ Aitu nosabha handaku. Miina amandeꞌaanea apugauꞌao ae bhahaa. Ane apugau, ‘Ama, folapa kanau ne tempono kakadee-dee aini’, tamaka ingka kamaiꞌaku anumamisi kakadee-dee aini.

Yohanes 12:27 Iomraidhean Croise

Matius 11:25

Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano.

Matius 11:26

Daanumo Ama, pedamo aitu kaposahasiꞌanomo lalomu.

Matius 26:42

Fendua toha nokala nosambahea ambano, “Ama, ane kasabha aini pae naembali mogampie, tamaka tetewei atumompaloiꞌe, taꞌampamo kapoindalomu so kumadhadhiaꞌano.”

Matius 26:45

Pada anaꞌa nosulikimo anaguhuꞌino maka nopugauanda, “Nandoo dua moodoomu bhe mewuleomu bhahaa? Ingka nohatomo tempono Anano Manusia daowae ne limando mie kodhosa.

Lukas 22:44

Yesus nomahasai sepaliꞌa lalono maka sadhulu-dhulu kakampuu-mpuu nosambahea. Antino tapedamo hea nobubuka nopotuhu ne wite.

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Yohanes 12:23

Tamaka Yesus tanotobhoosidamo ambano, “Nohatomo tempono Anano Manusia damekakalabhiaꞌe.

Yohanes 13:21

Pada nopugau peda naꞌa Yesus nokompeahamo lalono maka nofohatoda mentalea-mentalea ambano, “Amohatokoomu, kotu-kotuꞌu seemie ne olotamiu itu namowa kanau ne limano kaewa.”

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Ibrani 2:14

Anaꞌi nepulaoꞌaono maitu saneamo manusia kombadha kasarano, maka Yesus nopototoꞌao wutono bhe andoa, nodadi peda seemie manusia. Kahabuꞌano peda anaꞌa, neanomo noangka ne mateno, Yesus nofobinasamo mintahano kuasano mate, o Kafeompuꞌano seetani.

Ibrani 5:7

Weo dadino peda seemie manusia, Yesus padamo nefoampe sambahea bhe kamesalo ne Lahataꞌala poowa nokei nopontuhufi bhe luuno, ingka Lahataꞌala kokuasano mosalamatie maiꞌao ne mate. Hampano kalebeno dadino, Lahataꞌala nofetingkee.