Yohanes 12:26 - Muna Southern Dialect

²⁶ Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 12:26 Iomraidhean Croise

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Markus 8:34

Pada aitu Yesus nosaliꞌimo mie bhahi bhe anaguhuꞌino maka nopugau ambano, “Ane dopoindalo damangkafi kanau, tetewei dahumunsa kapoindalondo wutondo. Mada anaꞌa datumongku sau salipundo ⸤ maꞌanano doꞌunda mahingga damate⸥ maka damangkafi kanau.

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Lukas 9:23

Kosasawindo nofohatodamo ambano, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno seꞌo-seꞌoleo ⸤ maꞌanano doꞌunda mahingga damate⸥ maka namangkafi kanau.

Yohanes 10:27

Dhumbaku dotandaiꞌe suahaku, Idi apandeꞌaanda, andoa doangkafi kanau.

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

Yohanes 14:3

Mada kaowu akumala aefontaa-ntaaꞌangkoomu kaeateꞌa, asumuli aꞌumuleikoomu, neanomo ne amai kaeateꞌaku, somo dua kaeateꞌamiu.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 21:22

Ambano Yesus, “Ane amoindalo anoa ini nadumadi kansuhu ampa asumuli, ingka suano nepandeꞌaomua. Ampamo kaowu hintu angkafi Idi.”

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

Roma 14:18

Mie meompuno ne Kristus peda amaitu, anoamo itu mekaꞌiano lalono Lahataꞌala bhe nefosibhalando mie bhaino.

2 Korintus 4:5

Nefosampe mani ini suano bhihitano wuto mani, tamaka bhihitano Yesus Kristus, Anoamo Ompu. Insaodi taembali palima-limamiu hampano tafeompu ne Yesus.

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Filipi 1:23

Kohaahondaꞌae ini dopohela kanau: gaoku ahumunsa dhunia ini maka aeate bhe Kristus, kapaꞌamo anaꞌa foliuno kataa.

Kolose 3:24

Ingka pandeꞌaanemo mada kaowu metahimaomu ponambo maiꞌao ne Ompu. Ponambomiu naꞌa o kadawu toka nefontaa-ntaano Ompu so umatino. Kapaꞌamo kafeompuꞌa sakotuꞌuno neꞌondofaomiu ingka wutono Kristus, hintimiu o bhatuano.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

1 Yohanes 5:3

Kapaꞌamo ane doasiꞌao Lahataꞌala, maꞌanano doangkafi sabhaha pahintano, bhe pahintano Lahataꞌala miina naobhiea.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.