Yohanes 12:25 - Muna Southern Dialect

²⁵ Sasuka moasiꞌaono inawano, namiinae inawano. Tamaka sasuka bansino inawano we dhunia ini, namekataaꞌe so dadi suhue dhamani.

Yohanes 12:25 Iomraidhean Croise

Matius 10:39

Laꞌae so potaamiꞌano inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Matius 16:25

Laꞌae so potaamiꞌaono inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Matius 19:29

Pakade kotika humunsano lambuno, bhahitieno namoꞌane nahobhine, inano bhe amano, anaꞌino tawa kaampono mbaꞌinomo noangkafi Idi, nasumuli naeꞌawa namoꞌono lentuꞌa bhe naeꞌawa dua dadi suhue dhamani.

Markus 8:35

Kapaꞌamo laꞌae mongaheno namate, tetewei namate; tamaka laꞌae mateno mbaꞌinomo noangkafi Idi bhe Bhihita Metaa, anoamo itu so dumadino.

Lukas 14:26

“Ane seemie namai ne Idi, tabeano nakumukundo amano bhe inano, hobhineno bhe anaꞌino, kakutaꞌano moꞌane bhe hobhine bhahamoa nabansi inawano wutono. Ane paise, pae naembalia so anaguhuku.

Lukas 17:33

Laꞌae so potaamiꞌaono inawa patudhuno so nasumalamatiꞌao, namiinae inawano. Tamaka laꞌae so miinaeno inawa, ingka nasumalamati.

Tula-tulando rasulu 20:24

Tamaka miina sepaliꞌa aoheruanea inawaku sumanomo ahumato ne hatoꞌano amotoka taka neꞌawaku maiꞌao ne Ompu Yesus, maꞌanano aefolele Bhihita Metaano rahamatino Lahataꞌala.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Ibrani 11:35

O hobhineꞌi suli doꞌawa mie nemoasiꞌaondo toka mateno, hampano suli dodadi. Nandoo dua nesikisaa ampa domate, dokiido damobebasida hampano gaondo suli dadumadi ne dadi sedhuluꞌano kataa.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.