Yohanes 12:1 - Muna Southern Dialect

¹ Tanomo oleo hohaeaꞌano Paska, Yesus nokalamo te liwuno Betania, kaeateꞌano Lasarus nefowanuno maiꞌao ne mate.

Yohanes 12:1 Iomraidhean Croise

Matius 21:17

Pada nopugau peda aitu, Yesus nohunsadamo, nokala te liwuno Betania maka noodo ne itu.

Markus 11:11

Sahatono we Yerusalem, Yesus nopesuamo weo lambuno Lahataꞌala. Ne itu nofolili matano, tamaka mbaꞌinomo nohondomo oleo, Anoa bhe anaguhuꞌino ompulu hoduano dosuli we Betania.

Lukas 24:50

Pada peda maitu Yesus nowowoꞌodamo we simbalino kota ampa te owano Betania. Hato ne itu nosangke limano maka nobarakatida.

Lukas 7:37

Ne kota anaꞌa nandoo seemie hobhine tiende-endeno mie kodhosa. Nofetingke Yesus tangasano nohumaa we lambuno mieno Farisi naꞌa, hobhine aitu nomaimo newowoꞌo kabuto-butolo kani noponoꞌao mina-mina kawondu.

Yohanes 11:1

Nandoo seemie mosakino neano Lasarus. Anoa neate we liwuno Betania, liwundomo dua Maria bhe Marta aino.

Yohanes 11:43

Pada nopugau peda naꞌa Yesus noloꞌoimo nofekabhala-bhala suahano, “Lasarus, limbaꞌo toha!”

Yohanes 11:44

Mie mate naꞌa lasao nolimba, aꞌeno bhe limano nandoo nokakompoe kawalu, ulano dogantuane kabhia-bhia. Yesus nopugauandamo ambano “Lenseeꞌomu nekala-kalaꞌao.”

Yohanes 11:55

Wakutuu anaꞌa nomaꞌomo Paska, hohaeaꞌando miendo Yahudi. Dadiꞌanomo dobhahi mie maiꞌaono ne sabhaha liwu dokala we Yerusalem damekangkilo wutondo ne wiseno Ompu, tinangke miinaꞌo nahumato oleono Paska.

Yohanes 12:12

Hato nomentae mie bhahi maino we hohaeaꞌano Paska dofetingke putae Yesus we laanomo sala nohope we Yerusalem.

Yohanes 12:20

Ne olotando mie kumalano sumambaheano ne hohaeaꞌa we Yerusalem, nandoo dua miendo Yunani.

Yohanes 12:9

Dobhahi miendo Yahudi metingkeno putae Yesus nohatomo te Betania, sampe dokala dua te naꞌa. Kakalaꞌando suano kaowu dapoꞌawaꞌao Yesus, tamaka so damohaꞌao dua Lasarus nefowanuno Yesus maiꞌao ne mate.