Yohanes 11:51 - Muna Southern Dialect

⁵¹ Kapugauꞌano peda maitu miina namaiꞌao ne wutonoa, tamaka hampano nembali Imamu Bhalano ne taꞌu aitu, nokosuaha peda anabii putae Yesus namate so raꞌeati maitu.

Yohanes 11:51 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Yohanes 10:15

Tapedamo Amaku nopandeꞌa kanau, Idi apandeꞌaane dua. Idi ini apotahoꞌao inawaku so dhumbaku.

Yohanes 11:49

Ne olotando maitu nandoo seemie neano Kayafas, o Imamu Bhalano ne taꞌu aitu. Nopugaumo ambano, “Hintimiu ini miina konipandeꞌaoꞌomua.

Yohanes 18:13

Kabhao-bhaono Yesus doowae ne Hanas, kamungkula poniano Kayafas. Kayafas naꞌa membalino Imamu Bhalano taꞌu aitu.

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

1 Petrus 2:24

Mbadhano wutono Kristus notongkue bhahi-bhahiꞌae dhosantoomu, sampe dokantaiꞌe te sau salipu. Patudhuno neanomo intaodiomu dabebasiomu maiꞌao ne kuasano dhosa bhe dadintoomu naposahataa bhe kapoindalono Lahataꞌala. Ingka kakowembe-wembenomo mbadhano Kristus mekaꞌuhikoomu.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.