Yohanes 11:28 - Muna Southern Dialect

²⁸ Pada nopugau peda naꞌa Marta nokalamo nosaliꞌi Maria aino bhe nokamuntuiꞌe ambano, “Guru nohatomo, nobhasiko.”

Yohanes 11:28 Iomraidhean Croise

Matius 26:18

Notobhoosimo Yesus ambano, “Kalaomu we kota maka fohatoomu mie popandeꞌaku, putae ambano guru, ‘Tempoku nomaꞌomo nahumatoa, gaoku apoharoaꞌao Paska bhe anaguhuꞌiku we lambumu.’ ”

Markus 10:49

Yesus nofetumpumo maka nopugau ambano, “Loꞌoiꞌeomu!” Lasao dosaliꞌi kabunto maitu bhe dofohatoe, “Fekatangka lalomu! Ehemo, nosaliꞌiko!”

Markus 14:14

Namesua kaowu ne lambu, pugauꞌomu ne kolambuno putae, ‘O guru nofeenaꞌao bhahaꞌi boloku amai so napoharoaꞌao Paska bhe anaguhuꞌino?’

Lukas 22:11

Fohatoomu kolambuno naꞌa putae, ‘Guru nofeenaꞌao bhahaꞌi boloku amai so napoharoaꞌao Paska bhe anaguhuꞌino.’

Yohanes 1:41

Andreas ini lasao noꞌondofi Simon kakutaꞌano bhe nofohatoe ambano, “Insaodi padamo tapoꞌawa bhe Mesias.” (Mesias nopototo bhe Kristus, maꞌanano Omputo Fosalamatino).

Yohanes 1:45

Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 10:3

Tungguno katondo nelengkaane fointo pakade dhumbano dotandaiꞌe suahano. Dhagano dhumba noloꞌoi neando seꞌulu-seꞌulu maka noatoda we simbali.

Yohanes 11:20

Nofetingke kaowu Yesus nohatomo, Marta lasao nokala nosumpuiꞌe, tamaka Maria neate we lambu.

Yohanes 11:29

Nofetingke peda naꞌa Maria lasao noehe nokalamo nopoꞌawaane.

Yohanes 11:30

Tamaka wakutuu aitu Yesus miinaꞌo namesua weo liwu, nandooꞌe we katisumpuiꞌano ne Marta saꞌituini.

Yohanes 13:13

Hintimiu kona kanauꞌomu guru bhe Ompu, ingka anoamo naꞌa, kapaꞌamo Idimo ini guru bhe Ompu.

Yohanes 20:16

Ambano Yesus ne anoa, “Maria!” Maria nodoli bhe nopugau weo wamba Ibrani, “Rabuni!” (Rabuni maꞌanano Guru).

Yohanes 21:7

Anaguhu kamoasiꞌaono Yesus nopugaumo ne Petrus ambano, “Ingka Ompu maitua.” Nofetingke putae Ompu maitu, Simon Petrus nebhadhumo kapaꞌamo saꞌituini miina nakobhadhua, maka nopunda weo teꞌi.

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

Ibrani 12:12

Dadiꞌanomo fekatangkae limamu monaleno, fekalaa tuumu mehengku-hengkuno itu.