Yohanes 11:2 - Muna Southern Dialect

² Mariamo ini hobhine meꞌobhano mina-mina kawondu ne aꞌeno Yesus maka nopusuliane wuluno fotuno. Lasarus mosakino naꞌa finimoꞌanendo.

Yohanes 11:2 Iomraidhean Croise

Markus 14:3

Wakutuu anaꞌa Yesus tangasano nohumaa we lambuno Simon kokuli modaino ⸤ endefiꞌini⸥ , we liwuno Betania. Gahaꞌa tanosihatoꞌamo seemie hobhine. Hobhine anaꞌa newowoꞌo seewua butolo kani noponoꞌao mina-mina mowonduꞌano sepaliꞌa pakade noꞌali, dokonae minano warasituu. Wuꞌuno butolo naꞌa nokebhae, maka mina-minano nosungkae te fotuno Yesus.

Lukas 7:13

Nowoha bhihinanda aitu, Ompu Yesus nobhelaanemo lalono maka nopugau ambano, “Koise moꞌaea.”

Lukas 7:19

Nesaliꞌimo dohodua maka notududa dakumala dameena Ompu Yesus nada aini, “Hintumo bhahaa so humatono peda nedhandiꞌaono Lahataꞌala maitu, kaa taeantagi dua mie sigaoꞌano?”

Yohanes 11:21

Ambano Marta ne Yesus, “Waompu, ane bhe Hintu ne ini, finimoꞌaneku tetewei paise namatea.

Yohanes 11:3

Hobhine andoa naꞌa depakatumo bhihita ne Yesus ambado, “Ompu, mie nemoasiꞌaomu nosaki.”

Yohanes 11:32

Sanohato we kafetumpuꞌano Yesus bhe nowohaemo, Maria lasao nolongko ne aꞌeno bhe nopugau ambano, “Waompu, ane bhe Hintu ne ini finimoꞌaneku tetewei paise namatea.”

Yohanes 12:3

Gahaꞌa Maria nealamo sebutolo mina warasituu napesetanga litere. Mina-mina kawondu aini noꞌali sepaliꞌa. Pada anaꞌa nosungkae ne aꞌeno Yesus maka nopusuliane wuluno fotuno, sampe wonono tanokasembo-sembomo koseꞌonuꞌae lambu.

Yohanes 13:13

Hintimiu kona kanauꞌomu guru bhe Ompu, ingka anoamo naꞌa, kapaꞌamo Idimo ini guru bhe Ompu.

Yohanes 13:14

Dadiꞌanomo ane Idi Ompu bhe gurumiu afewaniu aꞌemiu, hintimiu tetewei beano dua pofewa-fewaniuꞌomu aꞌe.