Yohanes 10:6 - Muna Southern Dialect

⁶ Pedamo anaꞌa kapalendano Yesus ne andoa, tamaka miina dalumosangiea o ae maꞌanano pugauno maitu.

Yohanes 10:6 Iomraidhean Croise

Matius 13:34

Yesus nofohatoanda kosasawiꞌae naꞌa ne mie bhahi, nepakeanda kapalenda. Anoa miina sepaliꞌa namoinaꞌuda ane miina naepalendaanda.

Matius 13:51

Nofeenamo Yesus ambano, “Losangieꞌomu bhahaa kosasawiꞌae ini?” Anaguhuꞌino dotobhoosi ambado, “Uumbe.”

Markus 4:34

Dadiꞌanomo ane nefoinaꞌu mie bhahi, sadhia nepalendaanda. Tamaka ane tanomoisa bhe anaguhuꞌino, kosasawiꞌae nofohatoandae bhe maꞌanano.

Yohanes 16:25

Kosasawiꞌae ini apale-palendaangkoeꞌomu kaowu. Gahaꞌa nahumatomo tempono paemo aepalendaangkoomu, amohatoangkoeꞌomu mentalea-mentalea laꞌae Amaku.

Yohanes 16:29

Dopugaumo anaguhuꞌino ambado, “Ingka aitu pugaumo mentalea-mentalea, miinamo mepake kapalendaa.

Yohanes 6:52

Dofetingke peda anaꞌa, miendo Yahudi dopotaga-tagalimo sapada-pada andoa ambado, “Nada amai bhahaa mie aini nafowaꞌao dhagino so daomaaꞌomu?”

Yohanes 6:60

Pada dofetingke kosasawiꞌae naꞌa, dobhahi anaguhuꞌino Yesus dopugaumo ambado, “Wamba aini nobhie datumahimae, laꞌae so mondoiꞌe?”

Yohanes 7:36

Ampamo kaowu, o ae bhahaa maꞌanano pugauno saꞌituini, ‘Hintimiu umondofi kanauꞌomu, tamaka paise poꞌawa kanauꞌomu, bhe pae mooliomua maiꞌomu we kaeateꞌakua?’ ”

Yohanes 8:27

Gahaꞌa mie bhahi miina dalumosangiea putae Yesus nopulaoꞌao Amano.

Yohanes 8:43

Noafa bhahaa miina lumosangianeomu wambaku? Ingka mbaꞌinomo mokiidoomu metingkeomu pugauku.

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

2 Petrus 2:22

Podiundo nopokantibha mpuu bhe wambano kapalenda aini “O daꞌu suli nososo tongkano, o wewi mada mekadiuno nosuli toha nofelembo.”

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.