Yohanes 10:10 - Muna Southern Dialect

¹⁰ Kasoꞌo nomai kaowu nosibu, nofopongko bhe nofofekabinasa, tamaka o Idi amai so daeꞌawaꞌao dadi, bhe dadumadi napontalabhi-labhi.

Yohanes 10:10 Iomraidhean Croise

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 18:11

[Kapaꞌamo Anano Manusia nomai namosalamati kolilinono totono lalo].”

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 21:13

Yesus nofohatoda ambano, “Nandoo tibuhino weo Kitabi peda aini, ‘Lambuku dakumonae lambu kasambaheaꞌa, tamaka hintimiu habueꞌomu mbali lia kaꞌonuꞌando mie modai.’ ”

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

Markus 11:17

Pada aitu nofoinaꞌudamo ambano, “Notibuhi weo Kitabino anabii, ‘Lambuku dakumonae lambu kasambaheaꞌando sabhaha liwu. Tamaka hintimiu habueꞌomu mbali lia kaꞌonuꞌando mie modai!’ ”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Yohanes 10:1

Nopugaumo Yesus ambano, “Amohatokoomu, kotu-kotuꞌu sasuka mesuano weo katondono dhumba miina namangka ne fointo, tamaka nekamponea pagala, mie aitu kasoꞌo bhe karampasi.

Yohanes 10:11

Idimo ini dhagano dhumba metaano lalo. Dhaga metaano lalo nopotahoꞌao inawano so dhumbano.

Yohanes 12:47

Ane dofetingke kafoinaꞌuku, tamaka miina damangkafie paise ahumukumue Idi, kapaꞌamo kahatoꞌaku paise ahumukumu dhunia ini, tamaka amosalamatie.

Yohanes 12:6

Kapugauꞌano peda naꞌa suano mbaꞌinomo noniniꞌao mie mokae, tamaka mbaꞌinomo anoa maitu seemie kasoꞌo, nentelamo nohumaa dhoi weo kaenteiꞌa dhoi neintahano.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 5:40

Ampamo kaowu hintimiu mokiidoomu maiꞌomu ne Idi so meꞌawaꞌaoꞌomu dadi suhue dhamani maitu.

Yohanes 6:33

Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Roma 2:21

Dadiꞌanomo hintu mefoinaꞌuno mie bhaimu, noafa gahaꞌa miina moinaꞌuꞌao bhe wutomu? Hintu fotangahino pae daosibua, noafa bhahaa wutomu mosibuꞌao?

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Ibrani 6:17

Lahataꞌala nopoindalo nofotiwoha kakampuu-mpuuno lalono ne manusia tumahimano dhandino, putae patudhuno maitu paise nabhaliiꞌea, dadiꞌanomo dhandino naꞌa nofekamatangkaane femata.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.