Yohanes 10:1 - Muna Southern Dialect

¹ Nopugaumo Yesus ambano, “Amohatokoomu, kotu-kotuꞌu sasuka mesuano weo katondono dhumba miina namangka ne fointo, tamaka nekamponea pagala, mie aitu kasoꞌo bhe karampasi.

Yohanes 10:1 Iomraidhean Croise

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Yohanes 10:7

Yesus nopugaumo toha ambano, “Amohatokoomu, kotu-kotuꞌu Idimo ini fointo kaangkaꞌando dhumba anaꞌa.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Roma 10:15

Nada amai dua daefolele bhihita ane pae bhe fotuduno dakumala? Noposahataa bhe tibuhino weo Kitabi peda aini, “Nokesa mpuu hatondo mie mefoleleno Bhihita Metaa.”

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

Ibrani 5:4

Miina bhe sumangkeno wutono so taka tifosibhalano ini ⸤ dembali Imamu Bhalano⸥ , tamaka kaembaliꞌando Imamu Bhalano ingka nobhasida Lahataꞌala, peda Harun endefiꞌini.

1 Petrus 1:10

Ana-anabii dhamani wawono dofoti-fotindaemo kasalamati aini bhe doꞌondofi kansuhu maꞌanano. Andoa dokosuahaꞌaanemo wawo kabarakatino Lahataꞌala so neꞌawamiu.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.