Yohanes 1:45 - Muna Southern Dialect

⁴⁵ Filipus noꞌondofimo Natanael maka nofohatoe, “Insaodi padamo tapoꞌawa bhe mie nepulaoꞌaono anabii Musa weo Kitabino bhe nepulaoꞌaondo anabii sigaoꞌano. Neano Yesus, anano Yusuf nomaiꞌao we liwuno Nasaret.”

Yohanes 1:45 Iomraidhean Croise

Matius 10:3

Maka Filipus bhe Bartolomeus, Tomas bhe Matius mealano sewa, Yakobus anano Alfeus bhe Tadeus.

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 21:11

Mie bhahi maitu dotobhoosi ambado, “Ainiꞌaemo anabii Yesus maiꞌaono we liwuno Nasaret, we kadieno Galilea.”

Markus 14:67

Sanowoha Petrus nehana, nofoti-fotindamo ulano maka nofeenae ambano, “Ingka hintu ini sadhia pobhai bhe Yesus, miendo Nasaret maitu?”

Markus 6:3

Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.

Lukas 18:37

Ambado mie, “Yesus miendo Nasaret noangka ne ini.”

Lukas 2:4

Pedamo dua anaꞌa, Yusuf nomaiꞌao we Nasaret we kadieno Galilea nokala we kadieno Yudea, we Betlehem, kota kalenteꞌano omputo Daud, kapaꞌamo anoa lee walaka bhe sampuꞌano Daud.

Lukas 2:48

Sadowohae kamungkulano tadotonto, maka nopugau inano ambano, “Noafa kaꞌasi habu kainsami peda itu, anaku? Amamu bhe idi sakenda handa mani taꞌondofiko.”

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 3:23

Wakutuuno Yesus notandaki kahadhaano umuhuno napetolu fulu taꞌumo. Weo fekihindo mie, Yesus anano Yusuf, anano Eli,

Lukas 4:22

Kosasawindo mie naꞌa doꞌuumbetie, domenteꞌao pugau mokesa nekobhoasaꞌaono. Ambado, “Ingka anoa ini anano Yusuf.”

Yohanes 1:44

Filipus maitu nomaiꞌao we Betsaida, liwundomo dua Petrus bhe Andreas.

Yohanes 12:21

Mie andoa naꞌa dokalamo ne Filipus. Filipus ini nomaiꞌao ne liwuno Betsaida we kadieno Galilea. Dopugaumo ambado, “Waompu, gao mani tapoꞌawa bhe Yesus.”

Yohanes 14:8

Tamaka ambano Filipus, “Waompu, fotiwoha kainsami Amamu, naetaamo so insaodi.”

Yohanes 18:5

Dotobhoosimo ambado, “Yesus miendo Nasaret.” Ambano Yesus, “Ingka Idimo ini.” Yudas, mie modai naꞌa, neehe-ehe dua ne itu bhe andoa.

Yohanes 18:7

Yesus nofeenadamo toha ambano, “Ondofiomu laꞌae bhahaa?” Ambado, “Yesus miendo Nasaret.”

Yohanes 19:19

Pilatus notududamo dua daefopikaane kabuhi te sau salipu naꞌa. Wambano buhi naꞌa peda aini, “ Yesus miendo Nasaret, Omputo miendo Yahudi.”

Yohanes 21:2

Sewakutuu dopohompu-hompumo Simon Petrus, Tomas nekonando dua Didimus, Natanael maiꞌaono we Kana ne kadieno Galilea, anaꞌino Zebedeus bhe dohodua anaguhu sigaoꞌano.

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yohanes 6:5

Yesus nofoselamo matano nowoha mie dobhatompa domai se Anoa maka nopugau ne Filipus ambano, “Ne amai daeꞌoli bhahaa o oti so daomaa andoa ini?”

Yohanes 6:7

Ambano Filipus, “Mahingga ponambono mie naalu wula daeꞌoliane oti so andoa ini, paeꞌo namataa mahingga nasekabhini-bhini kaaowu seemie.”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Tula-tulando rasulu 22:8

Ambaku, ‘Laꞌae gahaꞌa hintu itu waompu?’ Ambano, ‘Idi ini Yesus miendo Nasaret nefodee-deemu itu.’

Tula-tulando rasulu 26:9

Daanumo, endefiꞌini wutoku dua kunaꞌekumo tabeano amewangie nekonando Yesus miendo Nasaret maitu ampa kaꞌosaku.

Tula-tulando rasulu 3:6

Tamaka Petrus nopugau ambano, “Miina akobulawaa, miina akoperaa, ampamo kaowu ndumandooꞌano ne inodi amaꞌangkoe: weo neano Yesus Kristus, miendo Nasaret maitu, kalaꞌo toha!”