Yohanes 1:27 - Muna Southern Dialect

²⁷ Anoamo so humatono namada Idi; mahinggamo alumense katapuno kaampini ne aꞌeno pae amantasia.”

Yohanes 1:27 Iomraidhean Croise

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Markus 1:7

Nefolele bhihita peda aini, “Namada idi nahumato seemie moliu kanau kuasa; alumongko alumense katapuno kaampini ne aꞌeno paise amantasia.

Lukas 3:16

Dadiꞌanomo Yohanes nopugaumo ne mie bhahi maitu ambano, “Idi ini akadiuangkoomu oe, tamaka so humatono mada kaowu nofoliu kanau kuasa, mahinggamo alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Yohanes 1:15

Yohanes nosakusiiꞌao Anoa bhe nekei-kei ambano, “Anoamo ini nepulaoꞌaoku wakutuuno afohatokoomu, ‘Anoa nahumato namada idi, tamaka sakotuꞌuno nofoliu kanau Anoa, hampano nonandoomo wawo Anoa bhe idi!’ ”

Yohanes 1:30

Anoamo nepulaoꞌaoku wakutuu apugau, ‘Anoamo so humatono namada idi; tamaka sakotuꞌuno nofoliu kanau Anoa, kapaꞌamo nonandoomo wawo Anoa bhe idi.’

Yohanes 10:41

Dobhahi mie maiꞌie bhe dopugau ambado, “Daanumo Yohanes miina sepaliꞌa naehabu tanda timenteꞌaono, tamaka kosasawiꞌae nepulaoꞌaono ne mie aini nokotuꞌu.”

Tula-tulando rasulu 13:25

Nomaꞌo kaowu namooli takano, nopugaumo Yohanes ambano, ‘Dukuno lalomiu laꞌae bhahaa idi ini? Idi ini suano mie nentaa-ntaamiu itu, tamaka akumundo idi nahumatomo. O idi mahingga alumense katapuno kaampini ne aꞌeno pae amantasia.’

Tula-tulando rasulu 19:4

Ambano toha Paulus, “Kakadiuno Yohanes katandaino o mie dofetompaꞌao podiu modaindo, tamaka ambano Yohanes ne mie bhahi, tabeano damarasaea ne mie so maino namalusi anoa, nopulaoꞌao Yesus.”