Yohanes 1:14 - Muna Southern Dialect

¹⁴ Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 1:14 Iomraidhean Croise

Matius 1:16

Yakub nokoanaꞌao Yusuf, moꞌaneno Maria. Maria koanaꞌaonomo Yesus nekonando Kristus.

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Lukas 2:7

Nokoanaꞌaomo seemie moꞌane, titiisano, nowaweꞌianemo kabhini maka nofondolee weo kampomaaꞌando kadadi, kapaꞌamo miinamo datooleaꞌa ne lambu kabutuꞌa.

Lukas 9:32

Wakutuu aitu Petrus bhe sabhangkaꞌino dempaumo sampe doodo. Hato dowanu, gahaꞌa dowohamo Yesus weo kakalabhiano bhe mie hoduano naꞌa deehe-ehe ne sohihino.

Yohanes 1:1

Pakatandano ⸤ miinaꞌo nandumandoo dhunia,⸥ nekonando Bhoasao nonandoomo. Bhoasao amaitu nopobhai bhe Lahataꞌala. Bhoasao amaitu nopototo bhe Lahataꞌala.

Yohanes 11:40

Ambano Yesus, “Ingka padamo afohatoko, ane marasaea omoha kakalabhiano Lahataꞌala.”

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 14:9

Ambano Yesus, “Filipus, ingka nomponamo dua apobhaiangkoomu, gahaꞌa miina mandeꞌa kanau? Sasuka mohano Idi nowohamo dua Amaku. Peda amai dua pugau, ‘Fotiwoha kainsami Amamu’?

Yohanes 17:22

Padamo awaꞌanda kakalabhia kawaꞌaomu ne Idi, neanomo andoa daseꞌise, pedamo Intaodi doseꞌise dua.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Yohanes 8:32

Mada aitu mandeꞌaaneomu kabanara, kabanaramo anaꞌa so mobebasikoomu.”

Tula-tulando rasulu 13:33

nokoꞌulamo ne intaodiomu sampuꞌando. Kapaꞌamo Yesus nofowanuemo nomaiꞌao ne mate peda tibuhiꞌano weo Laguno Daud kahaa iseno, ⸤ Ambano Lahataꞌala⸥ , ‘Hintu anaku! Akoanaꞌaangkomo oleo itu.’

Roma 8:3

O ae pata nepoolino tubhono agama Yahudi, hampano kanaleno mbadha kamanusia, padamo nohabue Lahataꞌala. Lahataꞌala notudu Anano wutono ⸤ nomai we dhunia ini⸥ nokatu mbadha kodhosa nembali kapopanga metolosino dhosa. Pedamo anaꞌa Lahataꞌala nohukumu dhosa nepake mbadha kamanusia.

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

1 Korintus 15:47

Manusia kabhao-bhaono nomaiꞌao we dhunia, mbadhano nomaiꞌao we bungahasi; manusia mbuhumaino nomaiꞌao te surugaa.

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Kolose 1:19

Kapaꞌamo noposahataa bhe kapoindalono Lahataꞌala, bhahi-bhahiꞌae sifatino Lahataꞌala nosangka dua ne Kristus Anano.

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

Ibrani 1:5

Kapaꞌamo Lahataꞌala miina sepaliꞌa nakobhoasao bhe nasepaku ne seemie malaꞌekati, “Hintumo itu Anaku, akoanaꞌangkomo oleo itu.” Miina dua nakobhoasao ne malaꞌekati sigaoꞌano, “Idi aembali so amano, anoa naembali so anaku.”

Ibrani 10:5

Kanandooꞌanomo wakuutuno Kristus nopesua ne dhunia ini, nopugaumo ⸤ ne Lahataꞌala⸥ , “Hintu miina moindaloe kafoampe bhe kapopanga nesumbele, tamaka padamo mefotoka kanau mbadhaku.

Ibrani 2:11

Anoa mefekangkilono manusia maiꞌao ne dhosa bhe manusia nefekangkilo, saneamo doseama. Kanandooꞌanomo Yesus miina naoambanoa nokonada bhahitieno.

Ibrani 5:5

Pedamo dua Kristus miina namekakalabhia Wutono nembali Imamu Bhalano, tamaka Lahataꞌala kobhoasaono ne Anoa, “Hintumo itu Anaku, akoanaꞌangkomo oleo itu.”

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

Powoha 19:13

Dhubano padamo dolondoane hea, neano dokonae “Bhoasaono Lahataꞌala”.

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.