Yakobus 5:5 - Muna Southern Dialect

⁵ Weo kahangkaeamiu dadi pontalabhi-labhiomu, sabhaha kataano namisi awaemoomu, kao-kaomo fekahombumo wutomiu so oleo katisumbeleꞌamiu.

Yakobus 5:5 Iomraidhean Croise

Lukas 16:19

Nopugaumo toha Yesus ambano, “Nandoo seemie hangkaea sadhia nepake dhuba biludhu bhe kai alusu. Kaꞌosano kahangkaeano seꞌo-seꞌoleo nohame-hame.

Lukas 16:25

Tamaka Abraham tanopugau ambano, ‘Anaku, tandaiꞌe hintu padamo namisie sabhaha mombakaꞌano weo dadimu, tamaka Lasarus nonamisi sabhaha mopaꞌiꞌano. Ampa aini anoa notilawesimo lalono ne ini, tamaka hintu notolau kakadee-deemu.

Roma 13:13

Dadi kaitaomu mantasiꞌano peda mie meateno we mentaleaꞌano. Koe sakahame dohumaa dofohoꞌu bhe dololanu, koe dopokawite-wite bhe konafusuu modai, koe dopowengke-wengke bhe dopokondu-konduaꞌao lalo.

1 Timotius 5:6

Tamaka ane seemie bhihinanda gaono nadumadi namangkafi namisino, ingka nomatemo wawo mahingga nandoo nodadi.

2 Timotius 3:4

Dapodai-dai dasisabha-sabhangka, paemo naewantaa fekihindoa, tula-tulando taꞌo kafewahai, madaꞌaomo daoasiꞌao nafusuuno dhunia bhe daoasiꞌao Lahataꞌala.

2 Petrus 2:13

Kakadee-dee so neꞌawando naꞌa kanggetu dua ponambono habu modaindo fofodee-deeno. Dohabu pokahaku ole-oleo dokonaemo dua kataano namisindo. Ane dohumaa dopombali-mbali bhe hintimiu weo kahamendo umati, diundo notimolampi bhe notimoambanoꞌao mbaꞌinomo dololanuꞌao nafusuu modai.

Yudas 1:12

Weo hame-hamendo umati notimolampi diundo, kapaꞌamo miina daoambanoa deagoi oti, tadofeꞌulai kaowu wutondo. Andoa tapedamo olu nelola-lolaꞌaono kawea tamaka miina naeowa use. Andoa tapedamo dua sau tapa kobhake mahinggamo ne tandaiꞌano nakobhake, mbaꞌinomo padamo dobunae bhe paha-pahakano, nomatemo sepaliꞌa.

Powoha 18:7

Sikisaaꞌeomu bhe fekaguguhueꞌomu ampa naposahataa bhe kafosibhala bhe dadi pontalabhi-labhi nenamisino. Kapaꞌamo anoa nokoduku lalono, ‘Inodi ini omputo hobhine mintahano pahinta. O idi suano bhihinandaa, paise sepaliꞌa aenamisi kaguguhua.’