Yakobus 4:5 - Muna Southern Dialect

⁵ Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”

Yakobus 4:5 Iomraidhean Croise

Yohanes 10:35

Ingka dopandeꞌaanemo wambano Kitabi nolaku ampa suhue dhamani. Dadiꞌanomo, ane andoa tumahimano bhoasaono naꞌa nokonada kalaha-lahataꞌala,

Yohanes 19:37

Nandoo dua wambano Kitabi peda ini, “Andoa daꞌumondo-ondo mie nekahadando.”

Yohanes 7:42

Ingka notibuhi weo Kitabi, o Mesias namaiꞌao ne sampuꞌano Daud, we liwuno Betlehem kaeateꞌanomo Daud endefiꞌini.”

Tula-tulando rasulu 7:9

Awuaꞌintoomu naꞌa doaso aindo koneaꞌano Yusuf mbali bhatua we witeno Mesir mbaꞌinomo kakoulano lalondo, tamaka Lahataꞌala sadhia nopobhaiane.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.

Roma 9:17

Weo Kitabi notibuhi bhoasaono Lahataꞌala ne omputo Firaun, “Patudhunomo asangkeko membali omputo neanomo namangka ne hintu amotiwoha kuasaku, bhe neaku natiende-ende ne kosekaꞌewaꞌae dhunia ini.”

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

2 Korintus 6:16

O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.