Yakobus 3:2 - Muna Southern Dialect

² Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

Yakobus 3:2 Iomraidhean Croise

Matius 12:34

Hintimiu ini sampuꞌano ule modai! Nada dua amai mefolimbaomu pugau metaa, sangiꞌanomo wutomiu mie modai? Kapaꞌamo lumimbano ne wiwi, nomaiꞌao ne kamponono totono lalo.

Matius 12:37

Kapaꞌamo wakutuu anaꞌa namokantibhako bhahaꞌi namoꞌalako Lahataꞌala, neatemo ne pugaumu.”

Roma 3:10

Kapaꞌamo weo Kitabi notibuhi peda ini, “Miina bhe mie banara, maumo naseemie.

Roma 7:21

Kapuliaono aeala tubho peda aini: ane patudhuku ahumabu metaaꞌano, sadhia modaiꞌano tumangkumi kanau.

1 Korintus 9:27

Idi akanea wutoku: miina aooloanea uluku, afobhatua mbadhaku, neanomo namada aefolele Bhihita Metaa ne mie bhaiku, pae damolimba kanau ne potandingiꞌa.

Galatia 3:22

Ampamo kaowu weo Kitabi notibuhi putae kosasawindo manusia deate weo kuhumano dhosa. Dadiꞌanomo dhandino Lahataꞌala maitu namaꞌandae kaowu mie marasaeano, maꞌanano nengkoha ne kaparasaeando ne Yesus Kristus.

Galatia 5:17

Kapaꞌamo kapoindalono wuto nopobhansule bhe kapoindalono Rohino Lahataꞌala, kapoindalono Rohino Lahataꞌala nopobhansule bhe kapoindalono wuto. Kohaahondaꞌae ini nopotagali sepaliꞌa sampe miinamo naembalia mehabuomu ampa kapoindalomiu.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Yakobus 1:26

Ane seemie noabhi wutono nokoꞌagama tamaka miina namooli nofewanaki lelano, ingka nobhohe-bhoheꞌimo wutono, agamano miina nakofahalaa.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

Yakobus 2:10

Kapaꞌamo ane dodhalangi pahintano Lahataꞌala, tamaka dekangkalaꞌi sehonda, ingka nopototomo bhe dokangkalaꞌiemo bhahi-bhahiꞌae.

1 Petrus 3:10

⸤ Weo Kitabi notibuhi peda aini,⸥ “Ane o mie noasiꞌao dadi metaa bhe nopoindalo kataano namisi, tabeano nadhumagani lelano ne pugau modai bhe wiwino ne wamba kopaha.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.