Yakobus 2:5 - Muna Southern Dialect

⁵ Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Yakobus 2:5 Iomraidhean Croise

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Markus 7:14

Pada anaꞌa Yesus nosaliꞌimo toha mie bhahi maka nopugau ambano, “Kosasawimiu, fetingkeeꞌomu pugauku ini bhe hunsaeꞌomu weo totono lalomiu!

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Lukas 16:22

Kaowu mie kumadee-deeno naꞌa nomatemo, maka doampee malaꞌekati te awino Abraham.

Lukas 16:25

Tamaka Abraham tanopugau ambano, ‘Anaku, tandaiꞌe hintu padamo namisie sabhaha mombakaꞌano weo dadimu, tamaka Lasarus nonamisi sabhaha mopaꞌiꞌano. Ampa aini anoa notilawesimo lalono ne ini, tamaka hintu notolau kakadee-deemu.

Lukas 22:29

Tapedamo Amaku nowaꞌa kanau kuasa afopahintangi, nadamo dua o Idi amaꞌangkoomu kuasa fopahintangiomu.

Lukas 6:20

Pada anaꞌa Yesus noꞌondomo anaguhuꞌino bhe nopugau ambano, “Kodawua mpuu, hintimiu ngkumaasi-asino, hampano hintimiumo so mehapino Kafopahintaꞌano Lahataꞌala.

Yohanes 7:48

Nandoo bhahaa neangkantoomu tawa miendo Farisi marasaeano ne Anoa?

Tula-tulando rasulu 7:2

Notobhoosimo Stefanus ambano, “Bhahitieꞌiku bhe kamungkulaꞌiku, fetingke kanauꞌomu! Ompu Lahataꞌala kumalabhiano nofotiwoha Wutono ne awuantoomu Abraham. Wakutuu anaꞌa Abraham nandooꞌe we Mesopotamia, miinaꞌo naeate we Haran.

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

2 Tesalonika 1:5

Kosasawiꞌae ini katandainomo noꞌadhili kabhitahakino Lahataꞌala. Hintimiu noabhikoomu Lahataꞌala mantasiomu mesuaꞌomu Kafopahintaꞌano. Ingka mbaꞌinomo Kafopahintaꞌano maitu menamisiomu kakadee-dee.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

2 Timotius 4:18

Daanumo Ompu namosalamati kanau maiꞌao ne sabhaha patudhu modai. Anoa namowa kanau asumalamati amesua weo kafopahintaꞌano te surugaa. Nopantasi mpuu damosibhala Lahataꞌala ampa suhue dhamani! Amin.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 11:26

Weo fekihino Musa, kafekaꞌaebu neꞌawano hampano kaparasaeano ne Mesias Omputo Fosalamatino, noliuꞌe kakoharagaano bhe kosasawiꞌae arataano witeno Mesir, hampano nofeki-fekihi ponambo te oleo mbuhumai.

Yakobus 1:12

Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Yakobus 1:16

Bhahitieꞌiku timoasiꞌaono, koise tibhohe-bhoheꞌiomua.

Yakobus 1:19

Bhahitieꞌiku timoasiꞌaono, tandaiꞌeomu: seemie-seemie tabeano naehimba nafofetingke, tamaka koise nopikipugaua, koise dua nopikiꞌamahaa.

Yakobus 1:9

Bhahitieꞌi ndidikino dumadino weo kakae, naetaa daoꞌia kapaꞌamo weo pomatano Lahataꞌala nelangke kaengkohaꞌando.

1 Petrus 1:4

Intaodiomu doposahunaꞌao sepaliꞌa daeꞌawa kadawu nefontaa-ntaano Ompu so umatino. Kadawu nehunsa-hunsano te surugaa maitu pae nabinasaa, pae naohakua bhe pae naleleua.

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.