Yakobus 2:18 - Muna Southern Dialect

¹⁸ Tamaka bheanea nandoo dua mugauno, “Seemie nopasande ne kaparasaeano, seemie nopasande ne habuno.” Mie aitu atumobhoosie, “Soba fotiwoha kanau kaparasaeando mie tapa seowaꞌano bhe habundo. ⸤ Ingka miina nandumandooa.⸥ Tamaka o idi amotiwohaangko habu metaaku tandano kaparasaeaku.”

Yakobus 2:18 Iomraidhean Croise

Roma 14:23

Tamaka mie poibhahano naomaa bhe paise naomaa, gahaꞌa panda-pandano tanohumaamo, ingka namoꞌalae Lahataꞌala hampano habuno miina naengkoha ne kaparasaeano. Sabhaha habu pata mengkohano ne kaparasaea saneamo dhosa.

Roma 3:28

Kaopuliꞌano manusia dotahimada Lahataꞌala peda mie banara hampano kaparasaeando, suano mbaꞌinomo dodhalangi tubhono agama.

Roma 4:6

Pedamo dua Daud, nokonada dokodawua mie netahimano Lahataꞌala peda mie banara, miina nalumentu habundoa.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Roma 9:19

Bheanea nandoo bhe so mugauno ne idi, “Ane peda anaꞌa noafa Lahataꞌala nofoꞌalaꞌao dua manusia? Ingka bhe naseemie miina bhe mondoiꞌe dapoewangi bhe kapoindalono Lahataꞌala.”

1 Korintus 13:2

Mahinggamo aeꞌawa kapooli akosuaha peda anabii, alumosangie sabhaha rahasia bhe amandeꞌaane sabhaha kapande, namatangka kaparasaeaku sampe naembali aefogampi kabhawo, tamaka ane pae bhe kanini kaasiku, ingka miina bhe faha-fahalaakua.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

1 Timotius 1:5

Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

Titus 2:7

Wutomumo so membalino sandahando weo habu metaa. Ane fofoinaꞌu, tabeano naelaa totono lalomu bhe kumampuu-mpuu,

Ibrani 11:31

Hampano kaparasaeano, Rahab, seemie karambole, miina nabinasa napoowa-owa bhe mie pata meangkano ne Lahataꞌala, mbaꞌinomo notahima metaada mata-mata miendo Israel.

Ibrani 11:33

Hampano kaparasaeando andoa detalo liwu neowando omputo, dedhalangi kaꞌadhili, dotahima nedhandiꞌaono Lahataꞌala, deꞌopi wobhano singa,

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Yakobus 2:14

Bhahitieꞌiku, o ae fahalaano seemie napugau, “Idi ini mie marasaeano,” gahaꞌaitumo miina nadhumalangie weo habuno? Nasumalamatiane bhahaa kaparasaea medando naꞌa?

Yakobus 3:13

Ane ne olotamiu itu nandoo kofekihi metaano bhe kokapandeno, tabeano namotiwohae ne podiu metaa weo dadino, bhe naomalu lalono, noposahataa bhe fekihi kotimbangino.