Yakobus 2:10 - Muna Southern Dialect

¹⁰ Kapaꞌamo ane dodhalangi pahintano Lahataꞌala, tamaka dekangkalaꞌi sehonda, ingka nopototomo bhe dokangkalaꞌiemo bhahi-bhahiꞌae.

Yakobus 2:10 Iomraidhean Croise

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Galatia 5:3

Amenduaꞌe toha, sasuka mie mesalono dasumunae, tetewei nadhumalangie kosasawiꞌae tubhono agama Yahudi.

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.