Yakobus 1:9 - Muna Southern Dialect

⁹ Bhahitieꞌi ndidikino dumadino weo kakae, naetaa daoꞌia kapaꞌamo weo pomatano Lahataꞌala nelangke kaengkohaꞌando.

Yakobus 1:9 Iomraidhean Croise

Lukas 1:52

Kabhala kokuasano nofosampuda maiꞌao te kaengkohaꞌando, tamaka mie mepandano kaengkohaꞌa nofofonida.

Lukas 10:20

Ampamo kaowu koise moꞌiaꞌomu mbaꞌinomo seetani doangkafi pahintamiu, tamaka fowula lalomiu hampano neamiu notibuhimo te surugaa.”

Lukas 14:11

Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 9:48

Yesus nopugaumo ambano, “Laꞌae tumahimano anaꞌi aini weo neaku notahimamo Idi. Laꞌae tumahimano Idi notahima dua Tumudu kanau. Kapaꞌamo foliuno kahobu ne olotamiu itu, anoamo itu foliuno kabhala.”

Roma 8:17

Ane intaodiomu dembalimo anaꞌino Lahataꞌala, nokomaꞌana dokohakumo dua daꞌumawa sabhaha kabarakati nefontaa-ntaano Lahataꞌala so anaꞌino. Kabarakati nefontaa-ntaa naꞌa datumahimaeꞌomu dapoowa-owa bhe Kristus. Kapaꞌamo ane dokadee-deeꞌomu poowa bhe Kristus, teteweimo dua dafofekalabhia poowa bhe Kristus.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Filipi 3:14

Dadiꞌanomo atende kansuhu ahope we tompano kaangkaꞌa, so aeꞌawaꞌao kawaꞌaondo fotalono naꞌa, maꞌanano dadi te surugaa. Anaꞌaemo patudhuno Lahataꞌala nofosaliꞌi noangka ne Kristus Yesus.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.