Yakobus 1:6 - Muna Southern Dialect

⁶ Kamesalono tabeano namoampee weo kaparasaea mpuu-mpuu, koise nopoibhahaa. Kapaꞌamo mie poibhahano lalo tanopototomo bhe kaewono teꞌi, nofodo-fodolie kawea.

Yakobus 1:6 Iomraidhean Croise

Matius 14:28

Notobhoosimo Petrus, ambano, “Waompu, ane kotu-kotuꞌu o Hintu, tudu kanau amaiꞌiko aekala-kala dua te wawono oe.”

Tula-tulando rasulu 10:20

Ehemo, sampu poꞌawaanda maka angkafida. Koe kamihi-mihia hampano Idi tumududa we inia.”

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

Ibrani 10:23

Fintaha motangka kaitaomu ne kaposahunaꞌao neꞌakuintoomu, kapaꞌamo Lahataꞌala notiparasaea, tetewei namekoꞌulae dhandino.

Ibrani 11:6

Ane pae bhe kaparasaea, manusia pae bhe kapoolia namekaꞌia lalono Lahataꞌala. Kapaꞌamo laꞌae maꞌotino Lahataꞌala tabeano noparasaea mpuu nandoo bhe Lahataꞌala, bhe noparasaea dua Lahataꞌala nefontaa-ntaa ponambo so mie umondofie.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

Yakobus 1:7

Mie pedando naꞌa koemo nefehoo-hooa nakoniꞌawa maiꞌao ne Ompu,

Yakobus 5:15

Sambahea maiꞌaono ne kaparasaea motangka namekaꞌosa mie mosaki aitu, maka Ompu namowanue. Ane bhe dhosano, natiꞌamponimo dua.

2 Petrus 2:17

Mie mpahaguru-guruno itu pasadamo matano oe mokekeleno, pedaꞌidamo pakahawu nefololano kawea moꞌosa. Lahataꞌala tokamo nefontaa-ntaaꞌanda kaeateꞌa weo doloma mposo.