Yakobus 1:4 - Muna Southern Dialect

⁴ Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

Yakobus 1:4 Iomraidhean Croise

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Matius 19:20

Ambano ana moꞌane anaꞌa, “Kosasawiꞌae naꞌa apadaemo adhalangiea. Taꞌo dua ae nekaemiku?”

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Markus 10:21

Noꞌondo mie amaitu, Yesus noasiane maka nopugau ambano, “Tasehonda nekaemimua! Sulimo, asoe sabhaha fehebuaꞌamu, olino dawu-dawuandae mie mokae, maka meꞌawa arataa te surugaa. Mada anaꞌa maimo angkafi kanau.”

Lukas 18:22

Nofetingke peda naꞌa Yesus nopugaumo ambano, “Tadua sehonda so nedhalangimua, asoe sabhaha fehebuaꞌamu, olino dawu-dawuandae mie mokae maka meꞌawa arataa te surugaa. Mada anaꞌa maimo angkafi kanau!”

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

Lukas 8:15

Mondawuꞌano ne wite menowu maꞌanano mie metingkeno bhoasaono Lahataꞌala, dofekataaꞌe mpuu weo totono lalondo metaaꞌano. Andoa dopotaami kansuhu ampa dokohasili.”

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

1 Korintus 2:6

Mahinggamo peda naꞌa, ne olotando mie toka motangkano kaparasaea insaodi tapugauꞌao dua wambano kapande. Ampamo kaowu kapande aini suano kapandeno dhunia ini, suano dua kapandedo mintahano kuasa ne dhamani aini, kapaꞌamo kuasando andoa ini naosali.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

Kolose 4:12

Saliwumiu Epafras nepakatuangkoomu dua salam. Anoa ini palima-limano Kristus Yesus, sadhia dua nosambaheaꞌangkoomu sampuu-mpuuno lalono. Nesalo ne Lahataꞌala so naotangkaꞌao kofindamiu weo kaparasaeamiu, membaliomu miendo sarani motangkano dadi tapa poibhahano, mie mangkafino kapoindalono Lahataꞌala.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Timotius 3:17

Ane nada anaꞌa, manusia fehebuaꞌano Lahataꞌala nasumangkamo bhe katokano so nahumabuꞌao sabhaha metaaꞌano.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

Yakobus 1:5

Ane ne olotamiu nandoo bhe metompaloino kasabha maka miina naewoha dhala, naetaa naesalo ne Lahataꞌala maka tetewei namaꞌane fekihi moinda, kapaꞌamo kawaꞌaono Lahataꞌala nowaꞌanda kosasawindo manusia, nomaiꞌao ne kataano lalono bhe miina nafofoꞌalaa.

Yakobus 3:2

Kosasawintoomu ini nentela dehabu sabhaha kaꞌala. Mie tapa umalano pugau ingka nosangkamo dadino, nopoolie dua nofewanaki mbadhano.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Petrus 1:9

Tamaka o mie tapa makesino podiu anaꞌa tapedamo mie mohawuno mata tawa kabunto, nolimpuꞌaanemo ingka dhosano endefiꞌini padamo dofekanggelaꞌiane.