Yakobus 1:19 - Muna Southern Dialect

¹⁹ Bhahitieꞌiku timoasiꞌaono, tandaiꞌeomu: seemie-seemie tabeano naehimba nafofetingke, tamaka koise nopikipugaua, koise dua nopikiꞌamahaa.

Yakobus 1:19 Iomraidhean Croise

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Markus 12:37

Dadiꞌanomo, ane wutono Daud nokona Mesias maitu Ompuno, maka maꞌanano suano kaowu taꞌo sampuꞌano, tamaka Ompuno dua.” Mie bhahi doasiane sepaliꞌa dofetingke kafoinaꞌuno Yesus.

Markus 2:2

Pada anaꞌa mie bhahi dosipumpumo toha se lambuno, sampe miinamo namuleadaa weo lambu; mahingga te wiseno fointo noponoꞌao mie. Yesus nofohatoanda bhoasaono Lahataꞌala.

Lukas 15:1

Dobhahi mealaꞌino sewa bhe mie kodhosa sadhia domai ne Yesus dofetingke kafoinaꞌuno.

Lukas 19:48

Ampamo kaowu miina damandeꞌaanea nada amai dhalano, kapaꞌamo kosasawindo raꞌeati notihela lalondo dametingke kafoinaꞌuno.

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

Tula-tulando rasulu 10:33

Dadiꞌanomo lasao aetudu mie daꞌumuleiko, hampano kataano lalomu ingka hatomo itua. Aitu tapohompu-hompumo ne wiseno Lahataꞌala tametingkeꞌao kaowilino Lahataꞌala so nefosampemu itu.”

Tula-tulando rasulu 13:48

Dofetingke anaꞌa kosasawindo mie suano Yahudi doꞌia bhe dopudhi bhoasaono Lahataꞌala; o mie nepilino Lahataꞌala so dumadino suhue dhamani doparasaeamo.

Tula-tulando rasulu 17:11

Mie ne itu nolalesa fekihindo, nopoꞌala bhe miendo Tesalonika. Nohelasi lalondo detahima bhoasaono Lahataꞌala. Seꞌo-seꞌoleo dopoguhuꞌao wambano Kitabi doꞌondofi kantoono pugauno Paulus maitu.

Tula-tulando rasulu 2:42

Andoa sadhia dokampuu-mpuu dofintahaki kafoinaꞌundo rasulu, dopohompu-hompu bhe dosekakolalo. Andoa sadhia dua dopoharoa bhe dosambahea.

Efesus 4:26

Ane amahaomu, koise sampe amahamu naehabuangko dhosa. Koise hunsa-hunsa amahamu ampa nasumoo oleo,

Efesus 4:31

Ohoeꞌomu sabhaha kaleano lalo, ponanti-nantiꞌao bhe amaha. Ohoeꞌomu dua pokei-keisiꞌao amaha, bhe pofeka-fekaꞌaebu. Fekakodoꞌoeꞌomu bhahi-bhahiꞌae naꞌa bhe sabhaha podiu modai.

Kolose 3:15

Naetaa katohopono dadi maiꞌao ne Kristus nakumuasai fekihimiu bhe totono lalomiu. Kapaꞌamo patudhuno katibhasiꞌamiu sembadha bhe Kristus ingka so menamisiꞌaoꞌomu katohopono dadi naꞌa. Koe molimpuomu mefoampeomu katumpuno lalo.

Kolose 3:8

Tamaka ampa aitu ohoeꞌomu amaha, pamuhu bhe pomodai. Koise foꞌumbu, koise dua pugau tampahasa ne mie bhaimu.

1 Tesalonika 2:13

Dadiꞌanomo, miina bhe katiehea taefoampe katumpuno lalo ne Lahataꞌala, mbaꞌinomo wakutuuno tafohatoangkoomu Bhihitano Lahataꞌala, fetingkeeꞌomu bhe tahimaeꞌomu. Bhihita aini miina mabhieꞌomu wamba maiꞌao ne manusia, tamaka mpuu-mpuuno bhoasaono Lahataꞌala. Ingka daanumo peda anaꞌa. Lahataꞌalamo ini kumahadhaano weo totono lalomiu marasaeano ne Kristus.

Yakobus 1:16

Bhahitieꞌiku timoasiꞌaono, koise tibhohe-bhoheꞌiomua.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

Yakobus 1:26

Ane seemie noabhi wutono nokoꞌagama tamaka miina namooli nofewanaki lelano, ingka nobhohe-bhoheꞌimo wutono, agamano miina nakofahalaa.

Yakobus 2:1

Bhahitieꞌiku, peda mie marasaeano ne Yesus Kristus, Ompuntoomu kumalabhiano, weo dhalangiꞌano kaparasaeamiu koise mepoꞌala-alaꞌaoꞌomu mie.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Yakobus 3:10

Nomaiꞌao ne lela setangke nolimba wambano kapudhi bhe wambano bhatata. Bhahitieꞌiku, sakotuꞌuꞌano paise nada naꞌaa.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.

Yakobus 5:12

Bhahitieꞌiku, fofoliuꞌano kafaraluu, koise podhandi sampe femataomu mesambiliomu lani tawa o wite tawa mesambiliomu o ae maka dua. Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo, keana meꞌawaomu kahukumu.

Yakobus 5:19

Bhahitieꞌiku, ane nandoo ne olotamiu itu mekapingkano maiꞌao ne kaangkaꞌano kabanara, gahaꞌa nandoo seemie nopoolie nofosulie ne metaaꞌano, ingka nokesa sepaliꞌa.

1 Yohanes 2:21

Abuhiangkoomu aini suano mbaꞌinomo miina mandeꞌaoꞌomu kabanara, tamaka hampano pandeꞌaanemoomu. Ingka pandeꞌaanemoomu dua miina bhe pahaa maiꞌao ne kabanara.