Yakobus 1:18 - Muna Southern Dialect

¹⁸ Noangkafi kapoindalono Wutono, Lahataꞌala nofowaꞌao dadi buꞌou dembaliomu anaꞌino, hampano ⸤ dofetingke bhe doparasaeaꞌomu⸥ bhoasaono kabanara. Patudhuno neanomo daembaliomu titiisa ne olotando sabhaha nefokonandoono Lahataꞌala.

Yakobus 1:18 Iomraidhean Croise

Yohanes 1:13

Dembali anaꞌino Lahataꞌala, maꞌanano miina peda lentendo manusia, nomaiꞌao ne kapoindalono mbadha tawa kapoindalono moꞌane, tamaka dadi buꞌou naꞌa nomaiꞌao ne Lahataꞌala.

Roma 4:17

Weo Kitabi notibuhi, “Hintu asangkeko so amando bansano liwu bhahi.” ⸤ Pedamo naꞌa Abraham nembalimo amantoomu⸥ ne wiseno Lahataꞌala neparasaeano. Anoamo Lahataꞌala mefodadino mie mate, Anoamo dua tanokobhoasaomo maka tapa ndumandooꞌano tanosinandooꞌamo.

1 Korintus 4:15

Kapaꞌamo mahingga ampa aitu peda mie marasaeano ne Kristus bheanea nehewunomo gurumiu, tamaka amamiu seemie kaowu. Weo kaparasaeamiu ne Kristus Yesus idimo ini amamiu, hampano Bhihita Metaa nefosampeku ne hintimiu.

2 Korintus 6:7

taefolele bhihitano kabanara, tafotiwoha kuasano Lahataꞌala, dadi banara mbalimo ewanga mani so tapopahisaꞌao bhe tapobentengiꞌao wuto mani;

Efesus 1:12

Nopantasimo mpuu damudhi Lahataꞌala, hampano kabhalano kakalabhiano, kapaꞌamo insaodi ⸤ miendo Yahudi⸥ tapaꞌindulu taposahunaꞌao ne Kristus.

Efesus 1:13

Hintimiu dua membalimoomu umatino Lahataꞌala, wakutuuno fetingkeomu bhihitano kabanara, maꞌanano Bhihita Metaa meowaangkoomu kasalamati. Hampano kaparasaeamiu ne Kristus, Lahataꞌala nowaꞌangkomoomu Rohino toka nedhandiꞌaono. Rohino naꞌa katandainomo membalimoomu fehebuaꞌano Lahataꞌala.

2 Timotius 2:15

Uleiꞌe lalomu kahadhaa so noꞌiaꞌao Lahataꞌala, membalimo mie tapa moambanoꞌaono nekahadhaano, maꞌanano fofoinaꞌuꞌao bhoasao banara melaa-melaa.

Ibrani 12:23

Hintimiu mai meangkafiomu hompuꞌa mohame, hompuꞌando umati sanea anaꞌi titiisano Lahataꞌala, toka tibuhino nea te surugaa. Hintimiu mai fewiseomu ne Lahataꞌala, bhitahakino kosasawindo manusia. Hintimiu powiseomu bhe rohindo mie banara toka mosangkano dadi.

Yakobus 1:15

Ane kapoindalo modai naꞌa doangkafie, losanomo o dhosa, maka o dhosa nobhala kaowu neowa mate.

Yakobus 1:21

Dadiꞌanomo ohoeꞌomu toha podiu mohaku bhe sabhaha kanea modai. Fekamalu lalomiu bhe tahimaeꞌomu bhoasaono Lahataꞌala toka netisa weo totono lalomiu, kapaꞌamo bhoasao aitu nokokuasa namosalamatikoomu.

Yakobus 3:14

Tamaka ane nakondua lalomiu ne mie bhaimu bhe sadhia ondofao kaowu kafaraluuno wutomiu, koise sangke-sangke wutomiu putae kotimbangiomu, kapaꞌamo ane nada aitu ingka bhansuleemoomu kabanarano Lahataꞌala.

1 Petrus 1:23

Kapaꞌamo dadi buꞌou neꞌawamiu miina namaiꞌao ne wineno mbadha mobinasano, tamaka nomaiꞌao ne wutono Kowineno pata mobinasano, hampano kaparasaeamiu ne bhoasaono Lahataꞌala dumadino suhue dhamani.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

1 Yohanes 3:9

Mie toka membalino anaꞌino Lahataꞌala miinamo daehabu kansuhu dhosa, hampano sifatino Lahataꞌala neatemo weo totono lalondo. Andoa pae bhe kapoolia dehabu kansuhu dhosa, kapaꞌamo dembalimo anaꞌino Lahataꞌala.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.