Yakobus 1:12 - Muna Southern Dialect

¹² Nokodawua mpuu mie potaamino weo kasoba bhe kawudhu, kapaꞌamo ane namooli kaꞌudhino naeꞌawa kawaꞌao nefontaa-ntaa so fotalono, maꞌanano dadi suhue dhamani toka nedhandiꞌaono Lahataꞌala ne mie moasiane.

Yakobus 1:12 Iomraidhean Croise

Matius 10:22

Hintimiu ini dabansikoomu sabhaha mie mbaꞌinomo neaku. Tamaka so kosabahano napotaami ampa namalusi, damosalamatida.

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Roma 5:4

Kakosabaha dopotaami neowa katangkano lalo tiꞌakui, katangkano lalo tiꞌakui neowa posahunaꞌao.

Roma 8:28

Ingka dopandeꞌaanemo, ne kadhadhia ae maka dua Lahataꞌala nokahadhaa so kaetaaꞌano mie moasiane, mie toka nebhasino posahataa bhe patudhuno.

1 Korintus 2:9

Aini noposahataa bhe tibuhino weo Kitabi peda aini, “Pata newohano mata, pata nefetingkeno tingala, pataꞌo dua tiumbaꞌano ne fekihindo manusia, aitumo nefontaa-ntaano Lahataꞌala so mie moasiane.”

1 Korintus 8:3

Tamaka mie moasiꞌaono Lahataꞌala, nopandeꞌaanemo Lahataꞌala.

1 Korintus 9:25

Sasuka mie so meangkafino potandingiꞌa tabeano nokane-kanea mbadhano bhe nopooli nofewanaki totono lalono. Aini dodhalangie so kaowu daeꞌawaꞌao kawaꞌao so fotalono, ingka o kataheno kamba-kamba pikimoleuno. Tamaka intaodiomu dodhalangi bhahi-bhahiꞌae naꞌa so daeꞌawaꞌao kawaꞌao so pata molooleuno ampa suhue dhamani.

2 Timotius 2:15

Uleiꞌe lalomu kahadhaa so noꞌiaꞌao Lahataꞌala, membalimo mie tapa moambanoꞌaono nekahadhaano, maꞌanano fofoinaꞌuꞌao bhoasao banara melaa-melaa.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

Ibrani 11:17

Hampano kaparasaeano dua, Abraham nofoampe Ishak mbali kapopanga wakutuuno noꞌudhie Lahataꞌala. Abraham notahimaemo dhandino Lahataꞌala tamaka nohelasi dua nofoampe anano kaenseemie naꞌa mbali kapopanga nesumbele.

Ibrani 12:5

Molimpuꞌaanemoomu gahaꞌa katangahino Lahataꞌala kumonakoomu anaꞌino? Ingka bhoasaono peda aini, “Anaku! Koe pisakiomu katangahi bhe kahukumuno Ompu, koise nobhotu kaposahunaꞌaomiu ane nofoꞌalakoomu.

Ibrani 6:15

Abraham nokosabaha neanta-antagi ampa noꞌawamo nedhandiꞌaono Lahataꞌala naꞌa.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Yakobus 5:11

Andoa maitu ingka doabhidaomu dokodawua, kapaꞌamo dokampuu-mpuu dopotaami. Ingka fetingkeemoomu potaamino anabii Ayub. Pandeꞌaaneomu dua panda-pandano neꞌawa ae maiꞌao ne Ompu. Kanandooꞌano peda aini hampano Ompu nofoliu kamoasiꞌaono bhe kabhelano lalono ne manusia.

1 Petrus 3:14

Tamaka mahinggamo kumadee-deeꞌomu hampano angkafiomu kapoindalono Lahataꞌala, ingka kodawuaꞌomu. Dadiꞌanomo koise moteꞌiomu ne laꞌae maka dua, koise tikendaomua.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

1 Yohanes 4:19

Intaodiomu ini dofomoasiꞌao, hampano Lahataꞌala paꞌindulumo nofomoasiꞌao.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Powoha 3:19

Sasuka nemoasiꞌaoku atumangahie bhe ahumukumue; dadiꞌanomo fodadiomu lalomiu bhe fetompaꞌao podiu modaimiu.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.