Yakobus 1:10 - Muna Southern Dialect

¹⁰ Pedamo dua mie humangkaeano naetaa daoꞌia, kapaꞌamo weo pomatano Lahataꞌala nepanda kaengkohaꞌando. Mie hangkaea naosali nada kambeano kamba-kamba.

Yakobus 1:10 Iomraidhean Croise

Matius 5:3

“Dokodawua mpuu mie ngkumaasi-asino masandeno ne Ompu, kapaꞌamo andoamo so mehapino Kafopahintaꞌano Lahataꞌala.

Matius 6:30

Kahoku tumumbuꞌano we pada oleo itu, namentae datumawuemo. Sanginomo kahoku maitu nolegasiemo Lahataꞌala, bhemo toha dua hintimiu! Kakuhano dua kaparasaeamiu!

1 Korintus 7:31

bhe mie mepakeno kanandoono dhunia ini dadumadi kao-kaomo miina datitapu ne kanandoo anaꞌa. Kapaꞌamo dhuniantoomu ampa aini kaowu naosalimo.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

Yakobus 4:14

Bhahaa pandeꞌaanemoomu o ae so kumadhadhiaꞌano naewine? Peda amai bhahaa dadimiu itu? Ingka o dadimiu tapedamo pakahawu, notiwoha kaowu sebantaha maka nomiinae.

1 Petrus 1:24

Kapaꞌamo ⸤ notibuhi weo Kitabi,⸥ “O manusia tapedamo kahoku, sabhaha kakalabhiano kanggetu kambeano kahoku, o kahoku noleleumo, kambeano notantamo.

1 Yohanes 2:17

Dhunia bhe sabhaha kanandoono nepoindalono manusia dhulu kasali, tamaka mie mangkafino kapoindalono Lahataꞌala nadumadi suhue dhamani.