Yakobus 1:1 - Muna Southern Dialect

¹ Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

Yakobus 1:1 Iomraidhean Croise

Matius 10:3

Maka Filipus bhe Bartolomeus, Tomas bhe Matius mealano sewa, Yakobus anano Alfeus bhe Tadeus.

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

Matius 19:28

Ambano Yesus, “Amohatokoomu, kotu-kotuꞌu nahumato tempono dhunia buꞌou, Anano Manusia - Idimo ini - naengkoha-ngkoha ne kaengkohaꞌano omputo weo kakalabhiano. Ne naꞌa hintimiu toka mangkafi kanau, mengkohaomu dua te kaengkohaꞌa ompulu haa onuno somo mandeꞌaono ompulu haa onu sampuꞌano miendo Israel.

Markus 3:18

Andreas, Filipus, Bartolomeus, Matius, Tomas, Yakobus anano Alfeus, Tadeus, Simon miendo Zelot,

Lukas 22:30

Ne naꞌa hintimiu naembali momaaꞌomu mohoꞌuomu pombaliomu bhe Idi weo Kafopahintaꞌaku, bhe mengkohaomu ne kaengkohaꞌano kolaki so mandeꞌaono miendo Israel ompulu haa sampuꞌano.”

Lukas 6:15

Matius bhe Tomas, Yakobus anano Alfeus, Simon miendo Zelot,

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 7:35

Miendo Yahudi dopugau-gaumo sapada-pada andoa ambado, “Nakumala ne amai bhahaa mie aini sampe pae dapoꞌawaaneomua? Bhahaa patudhuno nakumala ne miendo Yahudi meateno we koliwuno, we witeno Yunani? Bheanea namoinaꞌu miendo Yunani naꞌa?

Tula-tulando rasulu 1:13

Sahatondo we kota, dokalamo se lambu kabutuꞌando maka dofoni te boloku te wawo. Andoa ini ndo Petrus bhe Yohanes, Yakobus bhe Andreas, Filipus bhe Tomas, Bartolomeus bhe Matius, Yakobus anano Alfeus, bhe Simon miendo Zelot bhe Yudas anano Yakobus.

Tula-tulando rasulu 12:17

Tamaka Petrus noaleda keana dohobho, pada aitu netula-tulaandamo notondae Ompu nomaiꞌao weo katohongku. Ambano dua Petrus, “Kala metula-tulaꞌaoꞌomu kadhadhia aini ne Yakobus bhe bhahitientoomu sigaoꞌano.” Pada anaꞌa nolimbamo maka nokala we liwu sigaoꞌano.

Tula-tulando rasulu 15:13

Pada detula-tula Paulus bhe Barnabas, nopugaumo Yakobus. Ambano, “Bhahitieꞌiku, soba fetingke kanauꞌomu!

Tula-tulando rasulu 15:21

Kapaꞌamo mpini dhamani wawono pahintano Musa dofoleleandae ne amai onuno liwu. Taꞌampamo aini Kitabino Musa amaitu taenomo oleono Sabat sadhia dobasae weo lambu kasambaheaꞌa.”

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 2:5

Wakutuu anaꞌa dobhahi miendo Yahudi lumebeno maiꞌaono ne sabhaha liwu te dhunia ini dohato we Yerusalem.

Tula-tulando rasulu 21:18

Hato nomentae, Paulus nopoowa-owamo bhe insaodi takalamo tapoꞌawaꞌao Yakobus. Kosasawindo kamungkulaꞌi dohatomo dua ne itu.

Tula-tulando rasulu 23:26

“Gubernur Feliks nefosibhalaku, suha aini nomaiꞌao ne Klaudius Lisias.

Tula-tulando rasulu 26:7

O dhandi anaꞌa nentaa-ntaandomo dua miendo Israel ompulu haa sampuꞌano, kakampuu-mpuuꞌandomo dosombai Lahataꞌala mentae mohondo. Kolaki Agripa nefosibhalaku, kasungkuꞌando miendo Yahudi ini ingka mbaꞌinomo aposahunaꞌao ne dhandi anaꞌa.

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

Galatia 1:19

Tamaka miina akonipoꞌawaꞌao rasulu sigaoꞌano, mpahinomo Yakobus bhahitieno Ompu Yesus.

Galatia 2:12

Kapaꞌamo kabhao-bhaono tanohumaamo nopombali bhe bhahitieꞌi marasaeano suano Yahudi, tamaka dohato kaowu katuduno Yakobus, negampi-gampimo, nokiidomo naomaa bhe mie suano Yahudi. Kakiidoꞌano hampano noteꞌi miendo Yahudi ⸤ kaneꞌo humatono naꞌa, bhahasaa dofoꞌalae⸥ .

Galatia 2:9

Dowoha kaowu rahamati netahimaku so aembaliꞌao rasulu, maka Yakobus, Petrus bhe Yohanes dopointaha lima kanaumo bhe Barnabas dua, peda tandano pobhahitie. Andoa ini ingka kapasandeꞌandomo mie marasaeano. Tapoꞌunda-undapianemo insaodi taefolele Bhihita Metaa ne mie suano Yahudi, andoa daefolele Bhihita Metaa ne miendo Yahudi.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

2 Timotius 4:21

Uleiꞌe lalomu paeꞌo nahumato wulano use humatomo we ini. Ebulus, Pudes, Linus bhe Klaudia bhe kosasawindo bhahitie we ini dofosampeangko dua salam.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

1 Petrus 1:1

Suha aini nomaiꞌao ne Petrus, rasuluno Yesus Kristus, so bhahitieꞌiku umati nepilino Lahataꞌala, meateno te kadieno Pontus, Galatia, Kapadokia, Asia bhe Bitinia. Hintimiu dadiomu kanggetu mie humampe ne dhunia ini.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Powoha 7:4

Afetingkemo kabhahindo mie nekatanda, domoꞌono fato fulu fato hewu maiꞌao ne sabhaha sampuꞌando Israel.