Tula-tulando rasulu 8:5 - Muna Southern Dialect

⁵ Filipus nokala ne seꞌonu kota we Samaria maka nefebhihitaianda Mesias, Omputo Fosalamatino.

Tula-tulando rasulu 8:5 Iomraidhean Croise

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 21:8

Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Tula-tulando rasulu 5:42

Andoa miina dametumpua dofofoguhu weo Lambuno Lahataꞌala bhe ne lambudo mie. Seꞌo-seꞌoleo defolele Bhihita Metaa putae Yesus maitu Omputo Fosalamatino.

Tula-tulando rasulu 6:5

Patudhundo naꞌa doangkafie kosasawindo mie marasaeano. Dadiꞌanomo dopilimo Stefanus, seemie motangkano kaparasaea bhe nekabhintino Rohino Lahataꞌala. Dopilimo dua Filipus, Prokorus, Nikanor, Timon, Parmenas bhe Nikolaus. Nikolaus ini mieno Antiokia, tamaka nopesuamo agama Yahudi.

Tula-tulando rasulu 8:1

Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Tula-tulando rasulu 8:26

Seemie malaꞌekatino Ompu nopugaumo ne Filipus ambano, “Kalamo humanda we salata, we kaangkaꞌa maiꞌaono we Yerusalem humopeꞌano we Gasa.” Kaangkaꞌa anaꞌa nolino.

Tula-tulando rasulu 8:30

Filipus lasao nokala nomaꞌotie maka nofetingke kabhala amaitu nandoo nobasa Kitabino anabii Yesaya. Filipus nofeenaemo, “Pandeꞌaane bhahaa maꞌanano nebasamu itu?”

Tula-tulando rasulu 8:40

Gahaꞌa nofengkanaꞌao lalono Filipus nohatomo we Asdod. Anoa nokala kansuhu poowa nefolele Bhihita Metaa ne sabhaha liwu ampa nohato we kotano Kaisarea.

Tula-tulando rasulu 8:6

Dofetingke pugauno Filipus bhe dowoha dua tanda-tanda tapa mentela nehabuno, kosasawindo miendo kota dosekakolalo dotahimae bhe doteiꞌe weo namu-namundo.

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

1 Korintus 1:23

Tamaka insaodi ini taefolele bhihitano Kristus mateno te sau salipu. Bhihita aini nodaiane lalondo miendo Yahudi, mie suano Yahudi dokonae tula-tula bhohe.

1 Korintus 2:2

Kapaꞌamo tokamo abhotusie kaomponano bhe hintimiu paise amohatoangkoomu sigaoꞌano, mpahinomo bhihitano Yesus Kristus, Anoamo mateno te sau salipu.

1 Korintus 3:11

Kapaꞌamo bhe naseemie pae bhe so moolino mefongkohano sandi sigaoꞌano we simbalino sandi toka tifongkohaꞌano, o wutono Yesus Kristus.