Tula-tulando rasulu 8:1 - Muna Southern Dialect

¹ Notandamo oleo anaꞌa umati marasaeano we Yerusalem dofodee-deeda sepaliꞌa. Andoa dopuli dotigasa dohope we witeno Yudea bhe Samaria, ampamo kaowu rasuluꞌi miina.

Tula-tulando rasulu 8:1 Iomraidhean Croise

Matius 22:6

Nandoo dua sigaoꞌano dohako bhatuano, dofodee-deeda maka dopongkoda.

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 5:13

“Hintimiu itu dimbano gaha we dhunia. Ane o gaha naotembe, damekakahaane dua ae? Ingka miinamo nakofahalaaꞌa, tadaꞌumoho maka dapokafindaꞌiane.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Tula-tulando rasulu 13:36

Daud nodhalangi pahintano Lahataꞌala ne dhamanino, maka hato nomate dokobuhue ne sohihino awuaꞌino, mbadhano nohansurumo.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Tula-tulando rasulu 22:20

Pedamo dua ne oleo katipongkoꞌano sakusiimu Stefanus, ingka bhe idi, pakade aangkafi dua habundo maitu. Pakeando fopongkono naꞌa adhaganiandae idi.’

Tula-tulando rasulu 26:10

Anaꞌaemo nehabuku we Yerusalem. Aeꞌawa kaowu kuasa maiꞌaono ne meangkaꞌindo imamu, dobhahi umati mongkilono nefopesuaku weo katohongku. Suano kaowu taꞌo anaꞌa, bhahamoa aangkafi dua ane dobhotusie dopongkoda.

Tula-tulando rasulu 5:18

Rasulu dohakoda maka dofopesuada weo katohongkundo mie ndidiki.

Tula-tulando rasulu 5:20

Ambano malaꞌekati naꞌa, “Kala meehe-eheomu we Lambuno Lahataꞌala maka foleleomu bhihitano dadi buꞌou ini ne mie bhahi.”

Tula-tulando rasulu 5:33

Dofetingke pugau anaꞌa, nolea sepaliꞌa lalondo Sahano Agama, sampe dokopatudhu damongkoda.

Tula-tulando rasulu 5:40

Pada anaꞌa rasulu maitu dofopesuadamo toha maka dopepekida bhe doꞌeleꞌaanda dafofoguhu damake neano Yesus. Pada amaitu dofolapadamo.

Tula-tulando rasulu 7:38

Wakutuuno umatino Israel dohompu we pandaso bhalano, Musamo dua ini membalino poatoꞌaono wambano malaꞌekati bhe awuaꞌintoomu. O malaꞌekati naꞌa nokowamba ne Musa te kabhawono Sinai. Ingka anoamo dua tumahimano bhoasao meowano dadi maiꞌaono ne Ompu Lahataꞌala so nefosampe ne hintimiu.

Tula-tulando rasulu 7:54

Sadofetingke pugauno Stefanus naꞌa kamungkulaꞌi Sahano Agama pasae dokansuꞌue atendo sampe dokuꞌi bhe nau-naundo.

Tula-tulando rasulu 7:58

Dobulue we simbalino kota maka dobhatumbuliane kontu. Sakusii andoa ini dolembisi dhubando maka dohunsae ne wiseno seemie anaꞌi moꞌane koneaꞌano Saulus.

Tula-tulando rasulu 8:14

Miina naomponaa rasulu we Yerusalem dofetingkemo gahaꞌa miendo Samaria dotahimamo bhoasaono Lahataꞌala. Dadiꞌanomo dotudumo Petrus bhe Yohanes dakumala we naꞌa.

Tula-tulando rasulu 8:2

Mie lumebeno dokalamo dokobuhu maeatino Stefanus bhe dekangkoꞌae.

Tula-tulando rasulu 8:4

Mie marasaeano tigasano maitu dolili ne amai liwu poowa defolele Bhihita Metaa.

Tula-tulando rasulu 8:5

Filipus nokala ne seꞌonu kota we Samaria maka nefebhihitaianda Mesias, Omputo Fosalamatino.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Roma 1:32

Andoa dopandeꞌaane weo pahintano Lahataꞌala, mie humabuno bhahi-bhahiꞌae maitu nopantasimo damongkoe. Tamaka mahinggamo peda anaꞌa, tadohabumo kansuhu, bhahamoa dopoindaloe dua ane dohabue mie bhaindo.

Filipi 1:12

Bhahitieꞌiku, gaoku mandeꞌaaneomu putae kumadhadhiaꞌano ne idi ini ⸤ maꞌanano dotohongku kanau ini⸥ , mbali kaowu nofodhuluꞌao kaꞌewano leleno Bhihita Metaa.

Ibrani 11:27

Hampano kaparasaeano, Musa nohunsa witeno Mesir, miina naoteꞌia ne amahano omputo. Musa notangka mpuu nofintahaki patudhuno, kao-kaomo nowoha Lahataꞌala tapa tiwohaꞌano.