Tula-tulando rasulu 7:8 - Muna Southern Dialect

⁸ Palusi anaꞌa Lahataꞌala nofokonandooanemo tutuhano kasuna, peda tandano kafekatangkano podhandino bhe Abraham. Pedamo naꞌa Abraham nokoanaꞌao Ishak, sakapono alu oleo umuhuno nosunaemo. Ishak nokoanaꞌao Yakub, maka Yakub nokoanaꞌao doompulu hodua, andoa maitu awuaꞌintoomu miendo Yahudi ini.

Tula-tulando rasulu 7:8 Iomraidhean Croise

Matius 1:2

Abraham nokoanaꞌao Ishak, Ishak nokoanaꞌao Yakub. Yakub nokoanaꞌao Yehuda bhe bhahitieꞌino.

Yohanes 7:22

Anabii Musa nowaꞌangkoomu tutuhano kasuna (gahaꞌaitu tutuhano kasuna maitu sakotuꞌuꞌano miina namaiꞌao ne anabii Musa tamaka nomaiꞌao ne awuaꞌintoomu), dadiꞌanomo hintimiu fosunaomu mahingga ne oleono Sabat.

Tula-tulando rasulu 2:29

Bhahitieꞌiku! Naetaa aetula-tulaangkoomu awuantoomu Daud mentalea-mentalea. Daud nomatemo, padamo dokobuhue. Kobuhuno nandooꞌe ampa aini ne liwuntoomu ini.

Roma 4:10

Saneafa bhahaa, Lahataꞌala notahimae peda mie banara? Padamo nesuna bhahaa miinaꞌo? Ingka miinaꞌo naesuna.

Galatia 3:15

Bhahitieꞌiku, naetaa aesandahaangkoomu weo dadinto maꞌoleo hangkowine. Ane nandoo mie podhandino maka suhano padamo dotekee bhe dofosahae, ingka bhe naseemie miinamo bhe kohakuno damosowo tawa datumubhahi iꞌino podhandi aitu.

Galatia 3:17

Patudhuno sandahaku saꞌituini peda aini: dhandino Lahataꞌala toka nehabuno maitu pae bhe kapoolia namosowoe tawa namekatembee tubhono agama Yahudi. Kapaꞌamo atorano agama Yahudi naꞌa ⸤ netubhono anabii Musa⸥ kaneꞌo nonandoo nopalusi fato moꞌono tolu fulu taꞌu nokundo Abraham.

Ibrani 7:4

Tandaiꞌeomu kabhalano mie aini, sampe amano bansano liwuntoomu Abraham nowaꞌane seompulu dawuꞌa maiꞌao ne bara karampasiꞌano ne popahisaꞌa.