Tula-tulando rasulu 6:9 - Muna Southern Dialect

⁹ Tamaka nandoo dua mewangie. Andoa ini umatino Yahudi nekonando umati Libertini (maꞌanano bhatua nefobebasi), domaiꞌao we kotano Kirene bhe kotano Aleksandria. Doseꞌise bhe miendo Yahudi maiꞌaono we kadieno Kilikia bhe Asia maka domai dopotagali bhe Stefanus ⸤ hampano miina damarasaea putae Yesus Omputo Fosalamatino⸥ .

Tula-tulando rasulu 6:9 Iomraidhean Croise

Matius 10:17

Ampamo kaowu kodhagaomu ne mie, kapaꞌamo dahumakokoomu bhe damowakoomu ne Sahano Agama. Dahumambisiangkoomu habuta weo lambu kasambaheaꞌando.

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Matius 27:32

Tangasano dohope we simbalino kota, dopoꞌawaꞌaomo seemie miendo Kirene koneaꞌano Simon. Tantara dofosuhu mie aitu natumongku sau salipuno Yesus.

Markus 13:9

Tamaka hintimiu ini posiꞌondoomu! Mada kaowu dahumakofikoomu maka dabhitahakikoomu Sahano Agama. Damepekikoomu weo lambu kasambaheaꞌa. Pakade damowakoomu ne wisendo kafeompuꞌa bhe omputo, hampano membaliomu anaguhuꞌiku. Aini seꞌise dua katolala membaliomu sakusiiku ne wisendo.

Lukas 21:12

Ampamo kaowu paeꞌo nakumadhadhia kosasawiꞌae naꞌa, dahumakokoomu maka damodee-deekoomu, dabhitahakikoomu weo lambu kasambaheaꞌa bhe datumohongkukoomu. Datumondakoomu ne wisendo kabhalano liwu bhe kafeompuꞌa mbaꞌinomo kaparasaeamiu ne Idi.

Tula-tulando rasulu 11:20

Ne olotando andoa maitu nandoo dua miendo Siprus bhe miendo Kirene humatono we Antiokia. Andoa ini dopuga-pugau dua ne mie suano Yahudi dofohatoanda Bhihita Metaa putae Yesus maitu o Ompu.

Tula-tulando rasulu 13:1

Wakutuu anaꞌa ne olotando umati marasaeano we Antiokia nandoo seemie hodua anabii bhe guru. Andoa naꞌa dokonada Barnabas, Simeon nekonando dua Niger, Lukius miendo Kirene, Menahem bhe Saulus. Menahem ini nandoo kahobuno dodambaꞌaane poowa-owa bhe kolaki Herodes.

Tula-tulando rasulu 13:45

Sadowoha kabhahindo mie peda naꞌa, miendo Yahudi dokoulamo ne Paulus bhe Barnabas sampe dofekaꞌaebuda bhe doewangi kafoinaꞌundo.

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 15:41

Doliligi kadieno Siria bhe Kilikia; ne itu dofekatangka kaparasaeando umati.

Tula-tulando rasulu 16:6

Andoa doangkai kadieno Frigia bhe kadieno Galatia mbaꞌinomo Rohino Lahataꞌala miina naꞌumundaꞌaanda daefolele Bhihita Metaa we kadieno Asia.

Tula-tulando rasulu 18:24

Wakutuu anaꞌa tanohatomo dua seemie Yahudi we kotano Efesus, neano Apolos, nomaiꞌao we kotano Aleksandria. Anoa ini pande wamba bhe nopoolie iꞌino Kitabi.

Tula-tulando rasulu 19:10

Aini nodhalangie haa taꞌu kaomponano sampe kosasawindo meateno ne kadieno Asia maitu dofetingkemo bhoasaono Ompu, namiendo Yahudi namiendo Yunani.

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 21:27

Tempo fitu oleo nomaꞌomo namalusi. Gahaꞌa seemie hodua miendo Yahudi maiꞌaono we kadieno Asia dowoha Paulus weo Lambuno Lahataꞌala, lasao dowudhu mie bhahi sampe dohakoe,

Tula-tulando rasulu 21:39

Ambano Paulus, “Idi ini miendo Yahudi amaiꞌao we Tarsus, seꞌonu kota tiende-endeno we kadieno Kilikia. Aesalo ane naembali daꞌumunda kanau amugau ne mie bhahi maitu.”

Tula-tulando rasulu 22:19

Ambaku, ‘Ompu, ingka andoa maitu dopandeꞌaane idimo ini pontaala-alaꞌaono lambuno kasambaheaꞌa, ahakofi mie marasaeano ne Hintu maka afopesuada weo katohongku bhe afodee-deeda.

Tula-tulando rasulu 22:3

“O idi ini miendo Yahudi, alente we kotano Tarsus we kadieno Kilikia, tamaka aobhala ne Yerusalem ini. Nofoguhu kanau Gamaliel nompuu-mpuunie sepaliꞌa, apoguhuꞌao tubhono agama nefosampu ne awuaꞌintoomu. Kanandooꞌanomo nokamai-mai sepaliꞌa laloku akahadhaa so Lahataꞌala, peda dua hintimiu itu ampa aini.

Tula-tulando rasulu 23:34

Pada nobasa suha maitu, gubernur nofeenamo Paulus bhahaꞌi nomaiꞌao ne kadieno ae. Hato nofetingke Paulus nomaiꞌao we kadieno Kilikia,

Tula-tulando rasulu 24:18

Tangasano ahabu kosasawiꞌae maitu weo Lambuno Lahataꞌala, dohatofi kanaumo miendo Yahudi maiꞌaono we Asia. Idi kaneꞌo pada afekanggela wutoku, miina bhe mie bhahi pobhai kanau, pakade miina bhe kahobhoa.

Tula-tulando rasulu 26:11

Idi nentela afodee-deeda weo lambu kasambaheaꞌa maka afosuhuda dahumunsa kaparasaeando. Kaꞌosano kaheheno bhakeku sampe aꞌambada mahingga we kotando koliwuno.”

Tula-tulando rasulu 6:10

Tamaka andoa ini miina datumanggoa doewangi pugauno Stefanus, hampano Rohino Lahataꞌala maꞌane kapande.

1 Korintus 1:20

Kaowu somo ae bhahaa mie kokapande? Somo ae bhahaa mie melangkeno sikolaa? Somo dua ae bhahaa mie kofekihi ne dhunia ini? Kapaꞌamo Lahataꞌala ingka padamo nofotiwohae putae sabhaha kapandeno dhunia ini sanea bhohe.

Galatia 1:21

Pada aitu akalamo we kadieno Siria bhe Kilikia.