Tula-tulando rasulu 6:3 - Muna Southern Dialect

³ Dadiꞌanomo, bhahitie-bhahitie, mepili kaitaomu dapipitu ne olotando mie marasaeano, maka tasumangkeda so umondofaono kafaraluu aini. Mie so nepilintoomu tabeano mie metaa weo pomatando mie bhahi, tabeano nekabhintino Rohino Lahataꞌala bhe dokotimbangi.

Tula-tulando rasulu 6:3 Iomraidhean Croise

Matius 23:8

Tamaka hintimiu koise undaomu dakumonakoomu guru, kapaꞌamo seemie kaowu gurumiu; kosasawimiu itu sebhahi-bhahitieꞌomu.

Yohanes 21:23

Gahaꞌa nolelemo dua bhihita ne olotando bhahitie marasaeano, putae anaguhu seemieno maitu pae namate-matea. Tamaka Yesus miina namugau ne Petrus putae anaguhu seemieno maitu pae namate, ampamo kaowu, “Ane amoindalo anoa ini nadumadi ampa asumuli, ingka suano nepandeꞌaomua.”

Tula-tulando rasulu 1:15

Sewakutuu mie marasaeano dopohompu-hompu, dapemoꞌono haa fulu kabhahindo. Noehemo Petrus ne wunta-wuntando maka nopugau ambano,

Tula-tulando rasulu 1:21

Dadiꞌanomo tabeano bhe kabhoosino, so posabhangkaꞌa mani tasumakusiiꞌao Yesus kotu-kotuꞌu nodadimo toha. O mie so kabhoosino tetewei namaiꞌao ne olotando mangkafino Yesus nopoowa-owa bhe insaodi,

Tula-tulando rasulu 10:22

Ambado, “Notudu kainsami Kornelius. Kornelius ini seemie neangkando tantara, lalono nelaa bhe noteꞌi ne Lahataꞌala. Kosasawindo miendo Yahudi dopandeꞌaanemo dua kataano lalono. Anoa neꞌawa kafohato maiꞌaono ne Lahataꞌala nefosampeno seemie malaꞌekati mongkilono. Weo powohano naꞌa Lahataꞌala nofohato Kornelius daꞌumuleiko kumala we lambuno nametingkeꞌao pugaumu.”

Tula-tulando rasulu 15:23

Andoa dowaꞌanda suha. Wambano peda aini, “Bhahitieꞌi mani suano Yahudi meateno we Antiokia, Siria bhe Kilikia. Suha aini nomaiꞌao ne insaodi rasulu bhe kamungkulaꞌi ⸤ we Yerusalem⸥ so hintimiu.

Tula-tulando rasulu 16:2

Bhahitie marasaeano meateno we Listra bhe Ikonium dopuli dopandeꞌaane kataano lalono Timotius.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Tula-tulando rasulu 22:12

Ne kota aitu nandoo seemie koneaꞌano Ananias. Anoa ini mie lumebeno, nofintahaki tubhono agama bhe dofosibhalae sepaliꞌa kosasawindo miendo Yahudi ne kota aitu.

Tula-tulando rasulu 28:14

Ne itu tapoꞌawa-awamo bhe seemie hodua umati marasaeano ne Yesus. Hampano dosaliꞌi kainsami, taeate-atemo bhe andoa ampa fitu oleo. Pada anaꞌa tapansuhumo we kotano Roma.

Tula-tulando rasulu 6:2

Dadiꞌanomo rasulu ompulu hoduano dofohompumo kosasawindo mie marasaeano. Ambado, “Ingka pae naetaaꞌa tametumpu taefolele bhoasaono Lahataꞌala, mbaꞌinomo taeꞌondofao nehumaa.

Tula-tulando rasulu 6:5

Patudhundo naꞌa doangkafie kosasawindo mie marasaeano. Dadiꞌanomo dopilimo Stefanus, seemie motangkano kaparasaea bhe nekabhintino Rohino Lahataꞌala. Dopilimo dua Filipus, Prokorus, Nikanor, Timon, Parmenas bhe Nikolaus. Nikolaus ini mieno Antiokia, tamaka nopesuamo agama Yahudi.

Tula-tulando rasulu 6:6

Mie pipituno ini doowadamo ne wisendo rasulu. Rasulu dosambaheaꞌanda bhe dotei limando te wawondo ⸤ katandainomo desaloanda kabarakatino Ompu Lahataꞌala⸥ .

Tula-tulando rasulu 9:30

Sadopandeꞌaane, bhahitie marasaeano lasao dowowoꞌoe we Kaisarea maka dofopansuhue we Tarsus.

1 Korintus 12:8

Seemie nowaꞌane kapooli nokotimbangi pugauno, o Rohi fowaꞌaono. Seemieno nowaꞌane kapooli nokokapande pugauno, o Rohimo dua anaꞌa fowaꞌaono.

1 Korintus 16:3

Ahumato kaowu atumudumo mie mantasiꞌano ne pomatamiu, amaꞌanda suha dakumala we Yerusalem dawowoꞌo kawaꞌaomiu naꞌa.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

3 Yohanes 1:12

Tamaka Demetrius, ingka kosasawindo umati dopudhie; daanumo ne dadino notiwohamo sepaliꞌa noangkafi kabanara. Insaodi tasakusiiane dua tapudhi habu metaano, maka ingka pandeꞌaane kasakusii mani ini nokotuꞌu.