Tula-tulando rasulu 6:11 - Muna Southern Dialect

¹¹ Dadiꞌanomo deponambomo mie so dapugauꞌao, “Tafetingke mie aini noꞌumbu Musa bhe Ompu Lahataꞌala!”

Tula-tulando rasulu 6:11 Iomraidhean Croise

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 9:29

Tapandeꞌaane, Lahataꞌala padamo nokobhoasao ne anabii Musa, tamaka mie anaꞌa, miina tamandeꞌaanea bhahaꞌi nomaiꞌao ne amai.”

Tula-tulando rasulu 15:21

Kapaꞌamo mpini dhamani wawono pahintano Musa dofoleleandae ne amai onuno liwu. Taꞌampamo aini Kitabino Musa amaitu taenomo oleono Sabat sadhia dobasae weo lambu kasambaheaꞌa.”

Tula-tulando rasulu 18:6

Tamaka mie andoa maitu doewangie bhe dofekaꞌaebue, sampe Paulus tanotanta bungahasino pakeano ⸤ mbali kafodhagando⸥ . Ambano, “Hunsaꞌanomo mengkuluomu heamiu, ⸤ maꞌanano ane meꞌawaomu balaa, kaꞌalano wutomiu,⸥ o idi miina aꞌumalaa. Notanda aitu akumalamo we bansano liwu suano Yahudi.”

Tula-tulando rasulu 21:28

bhe dokei ambado, “Miendo Israel, hamba kainsami! Ainiꞌaemo ini mie mefoguhuno sabhaha mie ne amai onuno liwu so damewangiꞌao intaodiomu miendo Yahudi, dahumunsa tubhono agama Yahudi bhe damekandidiki Lambuno Lahataꞌala ini! Pakade aitu newowoꞌomo dua miendo Yunani dopesua weo Lambuno Lahataꞌala dofekaharamu lambu mongkilono ini!”

Tula-tulando rasulu 25:3

Andoa desalo kataano lalono Festus ane naembali dawowoꞌo Paulus we Yerusalem. Andoa padamo dopokanagau damongko Paulus we laano sala.

Tula-tulando rasulu 25:7

Sahatono kosasawindo miendo Yahudi maiꞌaono we Yerusalem doehemo dolibu-libue, maka dosangkatiane sabhaha kaꞌala mobhie. Ampamo kaowu miina damooliea dofotiwoha bukutiino.

Tula-tulando rasulu 26:11

Idi nentela afodee-deeda weo lambu kasambaheaꞌa maka afosuhuda dahumunsa kaparasaeando. Kaꞌosano kaheheno bhakeku sampe aꞌambada mahingga we kotando koliwuno.”

Tula-tulando rasulu 6:10

Tamaka andoa ini miina datumanggoa doewangi pugauno Stefanus, hampano Rohino Lahataꞌala maꞌane kapande.

Tula-tulando rasulu 6:12

Pedamo naꞌa andoa dewudhu mie bhahi, kamungkulaꞌi, bhe pande-pande Kitabi, maka dohako Stefanus. Lasao dobulue ne wisendo Sahano Agama.

Tula-tulando rasulu 6:13

Andoa deowaꞌi dua sakusii megau-gauno. Ambado sakusii naꞌa, “Mie aini miina bhe fetumpua nofekandidiki Lambu mongkilono ini bhe Kitabino Musa.

Roma 3:8

Noafa dua pae naembaliꞌao damugauꞌomu, “Mehabu kaitaomu modaiꞌano so notiwohaꞌao kataa.” Daanumo nandoo umumbu kanau apugau peda anaꞌa, tamaka mie mugauno medando naꞌa nopantasimo nahumukumuda Lahataꞌala.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.