Tula-tulando rasulu 5:41 - Muna Southern Dialect

⁴¹ O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Tula-tulando rasulu 5:41 Iomraidhean Croise

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Tula-tulando rasulu 5:21

Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

Filipi 1:29

Kapaꞌamo Lahataꞌala padamo nowaꞌangkoomu rahamati suano kaowu marasaeaꞌomu, tamaka dua menamisiomu kakadee-dee so Kristus.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.

3 Yohanes 1:7

Kapaꞌamo kakalaꞌando ⸤ deowa Bhihita Metaa⸥ so dameompuꞌao ne Kristus, bhe miina dakoniala maiꞌao ne mie tapa marasaeano ne Kristus.