Tula-tulando rasulu 5:32 - Muna Southern Dialect

³² Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

Tula-tulando rasulu 5:32 Iomraidhean Croise

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

Tula-tulando rasulu 10:44

Tangasano Petrus nopugau, nosampumo Rohino Lahataꞌala nokabhinti kosasawindo mie metingkeno pugauno.

Tula-tulando rasulu 13:31

Nomampona-mpona dua nofotiwoha Wutono ne mie pobhaiane domaiꞌao we Galilea ampa we Yerusalem. Andoamo ini membalino sakusii ne miendo Israel ampa aitu.

Tula-tulando rasulu 15:28

Rohino Lahataꞌala bhe insaodi tasepatudhu tabhotusie koemo dofotongkuangkoomu wowoꞌo mobhie. So nesodamiu ampamo kaowu maraluuꞌano ini:

Tula-tulando rasulu 2:32

Nepulaoꞌaono Daud naꞌa o Yesus, nefowanuno Lahataꞌala nomaiꞌao ne mate. Kosasawiꞌa mani ini mohaꞌaono wuntano mata mani kadhadhia anaꞌa.

Tula-tulando rasulu 2:4

Kosasawindo nokabhintidamo Rohino Lahataꞌala maka dotanda dopugau depake wambado koliwuno ⸤ tapaꞌo nepandeꞌaondo⸥ , seemie-seemie ampa kadawuꞌaono ne Rohino Lahataꞌala.

Tula-tulando rasulu 5:29

Petrus bhe rasulu sabhangkaꞌino dotobhoosimo ambado, “Nofaraluu damangkafi pahintano Ompu Lahataꞌala nalumiuꞌe pahintano manusia.

Roma 8:16

Wutono Rohino Lahataꞌala nopoowa bhe rohintoomu nofofohato putae intaodiomu ini anaꞌinomo Lahataꞌala.

2 Korintus 13:1

Aini katolu pakunomo amantaa-ntaa amai we hintimiu. ⸤ Weo Kitabi notibuhi,⸥ “Sehonda parakara kaneꞌomo notiangga ane bhe sakusiino dohodua tawa dototolu.”

1 Petrus 1:12

Lahataꞌala nofohato ana-anabii naꞌa putae bhihita nekosuahaꞌaondo, suano so wutondo tamaka so hintimiu. Ingka bhihitamo dua anaꞌa nefetingkemiu ampa aini ne mie meowano Bhihita Metaa. Weo kuasano Rohino Lahataꞌala nefosampu maiꞌao te surugaa, mie anaꞌa dofosampeangkoomu Bhihita Metaa anaꞌa. Mahinggamo malaꞌekati, gaondo damandeꞌaane dua bhihita aini.