Tula-tulando rasulu 5:21 - Muna Southern Dialect

²¹ Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.

Tula-tulando rasulu 5:21 Iomraidhean Croise

Matius 5:22

Tamaka ambaku Idi, laꞌae umamahano ne bhahitieno tetewei dahumukumue. Laꞌae mugauno ne bhahitieno, ‘Hintu itu kaafihi!’ tetewei dabhitahakie Sahano Agama. Laꞌae mugauno, ‘Hintu itu notolau kabhohemu!’ tetewei daꞌumohoe weo efino narakaa ngkalai-laiꞌano.

Lukas 22:66

Hato nomentae dosihompumo kamu-kamungkulaꞌindo Yahudi, neangkaꞌindo imamu bhe pande-pande Kitabi maka doowa Yesus te wiseno Sahano Agama.

Yohanes 18:35

Ambano Pilatus, “O miendo Yahudi gahaꞌa idi ini? Ingka saliwumu bhe neangkaꞌindo imamu mowako se idi. Mehabu ae gahaꞌa?”

Yohanes 8:2

Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Tula-tulando rasulu 22:15

Kapaꞌamo hintu ini membalino sakusii, newohamu bhe nefetingkemu naꞌa mosampeandae sabhaha mie.

Tula-tulando rasulu 22:5

Kabanarano pugauku ini naembali dasumakusiiꞌane Imamu Bhalano bhe Sahano kamungkulaꞌi. Andoa ini dowaꞌa kanau suha so miendo Yahudi we kotano Damsyik. Padamo dua akala we naꞌa patudhuku ahumakofi mie mangkafino Yesus ne kota aitu maka aowada we Yerusalem damodee-deeda.

Tula-tulando rasulu 5:17

Hato panda-pandano Imamu Bhalano bhe kosasawindo mangkafie - sanea miendo Saduki - doewamo, mbaꞌinomo kakoulano lalo.

Tula-tulando rasulu 5:27

Kohoduando doowada ne wiseno Sahano Agama. Imamu Bhalano nofee-feenadamo ambano,

Tula-tulando rasulu 5:34

Ne olotando Sahano Agama maitu nandoo seemie Farisi pande Kitabino Musa, neano Gamaliel. Anoa ini dofosibhalae dua mie bhahi. Nesalomo rasulu hoduano maitu damolimbada sebantaha.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.