Tula-tulando rasulu 5:11 - Muna Southern Dialect

¹¹ Kosasawindo umati marasaeano bhe mie metingkeno kadhadhia amaitu doteꞌi sepaliꞌa.

Tula-tulando rasulu 5:11 Iomraidhean Croise

Tula-tulando rasulu 19:17

Kadhadhia amaitu dofetingkee kosasawindo mieno kota Efesus, namiendo Yahudi namiendo Yunani. Dadiꞌanomo kosasawindo doteꞌi sepaliꞌa maka dhulu katiende-ende neano Ompu Yesus.

Tula-tulando rasulu 2:43

Nobhahi giu timenteꞌaono bhe tanda tapa mentela nehabundo rasulu, sampe kosasawindo mie doteꞌi sepaliꞌa.

Tula-tulando rasulu 5:5

Nofetingke pugau anaꞌa lasao notiwata komate-mateno. O mie metingkeno kadhadhia amaitu doteꞌi sepaliꞌa.

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.

Filipi 2:12

Dadiꞌanomo bhahitieꞌi nemoasiꞌaoku, pedamo endefiꞌini nandoo kanau bhe hintimiu sadhia angkafiomu katangahiku, mangke-mangke aitu dopokodoꞌotiomu, gaoku mpuu sadaa-daa mangka kanauꞌomu. Uleiꞌe lalomiu so nasumangkaꞌao kasalamatimiu; dhalangieꞌomu weo kamihi bhe kafosibhala ne Lahataꞌala.

Ibrani 11:7

Hampano kaparasaeano, Nuh nofodhagae Lahataꞌala so kumadhadhiaꞌano te wise, tapaꞌo newohano. Nuh neangka ne Lahataꞌala sampe nefotoka bhangka bhalano, mbalimo mosalamatie bhe koseꞌonu polambuno. Noangka ne kaparasaeano naꞌa dhunia dohukumue, tamaka wutono Nuh notahimae Lahataꞌala peda seemie banara hampano kaparasaeano.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

Ibrani 12:28

Kanandooꞌanomo naetaa daefoampe katumpuno lalo ne Lahataꞌala, hampano detahimaomu kafopahintaꞌa tapa tifoguguno. Naetaa natumumpu lalontoomu bhe dasumombaomu weo kamihi bhe kafosibhala ne Lahataꞌala, naposahataa bhe kapoindalono Wutono.

Ibrani 4:1

Dhandino Lahataꞌala damesuakiomu kafewuleꞌano ingka sadaa-daaꞌe. Dadiꞌanomo naetaa posiꞌondoomu mpuu, keana nonandoo ne olotamiu itu so tapa humatono.

1 Petrus 1:17

Weo sambaheamiu, Lahataꞌala konaeꞌomu Amamiu. Ingka Anoamo so fobhotusino tanamangka-angka habundo manusia seemie-seemie, pae napoꞌala-alaandaa. Dadiꞌanomo tinangke nandoo butuomu we dhunia ini, fosibhalaeꞌomu mpuu Lahataꞌala.

Powoha 15:4

Laꞌae bhahaa so tapa moteꞌino ne Hintu Ompu? Laꞌae bhahaa so tapa mekakalabhiano neamu? Kapaꞌamo Hintumo kaowu mongkilono. Sabhaha bansano liwu damai datumaohao sombado ne Hintu, kapaꞌamo kabhotusimu umadhilino dowohaemo sabhaha mie.”