Tula-tulando rasulu 4:27 - Muna Southern Dialect

²⁷ Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Tula-tulando rasulu 4:27 Iomraidhean Croise

Matius 14:1

Wakutuu anaꞌa Herodes, kolaki we kadieno Galilea, nofetingke dua bhihitano Yesus.

Matius 14:3

Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes.

Matius 14:6

Seꞌoleo kolaki Herodes nehabu hame-hame nofeꞌulai oleo kalenteꞌano. Ne hame anaꞌa kalambeno Herodias nolinda ne wisendo humatono. Herodes noꞌia sepaliꞌa nowoha lindano.

Matius 21:28

Ambano toha Yesus, “Peda amai fekihimiu ane peda aini? Nandoo seemie ama bhe ana moꞌaneno dohodua. Nokalamo ne anano titiisa maka nopugau ambano, ‘Anaku, seꞌoleo itu kala kahadhaa kaita te kaampono angguru.’

Matius 23:37

“Yerusalem, Yerusalem! Hintumo mongkono ana-anabii bhe bhatumbulino mie netudu ne hintu. Nentuhumo nokamba laloku ne hintu, amohompu raꞌeatimu, kanggetu inano manu nofohompu anano we towawano panino, tamaka hintimiu mokiidoomu.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Markus 10:33

Ambano, “Fetingkeomu! Aitu dahumopeomu we Yerusalem. Ne watu Anano Manusia - Idimo ini - damowae ne limando neangkaꞌindo imamu bhe pande-pande Kitabi. Andoa dabhotusie damongkoe. Mada anaꞌa damowae toha ne limando mie pata mandeꞌaono Ompu Lahataꞌala.

Markus 15:31

Pedamo dua aitu neangkaꞌindo imamu bhe pande-pande Kitabi doele-elee bhe dopugau sapada-pada andoa ambado, “Mie sigaoꞌano nofosalamatida, gahaꞌa itu wutono miina namooliea!

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Lukas 22:63

Mie dhumaganino Yesus doele-elee bhe dohambisie.

Lukas 23:1

Kosasawindo Sahano Agama naꞌa doehemo maka doowa Yesus se Pilatus.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Lukas 9:22

Nopugaumo Yesus ambano, “Anano Manusia tetewei nabhahi naenamisi kakadee-dee bhe dabansie kamu-kamungkulaꞌi, neangkaꞌindo imamu bhe pande-pande Kitabi, damongkoe maka ne katolu oleono namanu namaiꞌao ne mate.”

Yohanes 1:11

Anoa nohato ne liwuno wutono, tamaka saliwuno miina datumahimaea.

Yohanes 10:36

noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Yohanes 18:29

Dadiꞌanomo Pilatus nolimba nopoꞌawaanda maka nopugau ambano, “O ae gahaꞌa nesangkatiꞌaomiu ne mie aini?”

Yohanes 19:34

Seemie ne olotando tantara maitu nokahadamo tompano kaha-kahano Yesus, lasao nekamawa hea bhe oe.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 2:27

Kapaꞌamo alusuku pae humunsae weo dhuniando mie mate, mbadhano bhatuamu mongkilono pae nahumansurua.

Tula-tulando rasulu 4:30

Fosampu kainsami kabarakatimu so daoꞌosaꞌao mie mosaki bhe fotiwoha giu timenteꞌaono bhe tanda tapa mentela weo neano Yesus palima-limamu mongkilono.”

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.