Tula-tulando rasulu 3:6 - Muna Southern Dialect

⁶ Tamaka Petrus nopugau ambano, “Miina akobulawaa, miina akoperaa, ampamo kaowu ndumandooꞌano ne inodi amaꞌangkoe: weo neano Yesus Kristus, miendo Nasaret maitu, kalaꞌo toha!”

Tula-tulando rasulu 3:6 Iomraidhean Croise

Matius 10:9

Koise mewowoꞌoomu bulawa, tawa salaka bhahaꞌi dhoi tambaga ne kawawemiu.

Matius 7:22

Nahumato Oleono Kiama dabhahi so mugauno ne Idi, ‘Ompu! Ompu! Ingka insaodi ini takosuaha peda seemie anabii tapake neamu, taefolimba seetani tapake neamu, pakade nobhahi taehabu kadhadhia timenteꞌaono tapake dua neamu.’

Markus 14:8

Hobhine aini nehabumo ampa nepoo-poolino. Mbadhaku ini nominakiemo wawo, somo katokano humato dakumobuhu kanau.

Markus 16:17

Mie marasaeano ne Idi naembali daehabu tanda tapa mentela: daefolimba seetani damake neaku; damande dua dapugauꞌao sabhaha wamba buꞌou.

Yohanes 19:19

Pilatus notududamo dua daefopikaane kabuhi te sau salipu naꞌa. Wambano buhi naꞌa peda aini, “ Yesus miendo Nasaret, Omputo miendo Yahudi.”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Tula-tulando rasulu 16:18

Ampa seꞌoleo haa oleo sakei peda naꞌa. Tamaka Paulus miinamo namoolie lalono nofetingke kahunggaino maitu. Lasao nodoliki kalambe aitu maka nopugau ne seetani mesuakie ambano, “Weo neano Yesus Kristus, atuduko limbaꞌo toha maiꞌao ne kalambe aini.” Seetani anaꞌa lasao nolimba nomaiꞌao ne kalambe amaitu.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Tula-tulando rasulu 2:36

Dadiꞌanomo kosasawindo miendo Israel tabeano mandeꞌaaneomu kotu-kotuꞌu putae Yesus nosangkeemo Lahataꞌala nembali Ompu bhe Mesias, Omputo Fosalamatino. Yesus ini padamo kantaiꞌeomu te sau salipu.”

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Tula-tulando rasulu 3:5

Mie amaitu notontoda, weo fekihino nakoniꞌawa.

Tula-tulando rasulu 3:7

Petrus lasao nointaha limano suanano mie amaitu maka nofoehee. Aꞌeno bhe bhiku-bhikuno lasao noꞌosa.

Tula-tulando rasulu 4:10

Dadiꞌanomo hintimiu bhe kosasawindo miendo Israel tabeano mandeꞌaaneomu putae mie aini noꞌosamo bhe neehe-ehe ne wisemiu ini, mbaꞌinomo kuasano neano Yesus Kristus, miendo Nasaret maitu. Hintimiu kantaiꞌeomu te sau salipu, tamaka Lahataꞌala nofowanue maiꞌao ne mate.

Tula-tulando rasulu 4:7

Pada anaꞌa Petrus bhe Yohanes doowadamo te wisendo maka dofee-feenada ambado, “Mepakeomu kuasa ae gahaꞌa, bhahaꞌi pakeomu nea laꞌae fekaꞌosaomu kalu aini?”

Tula-tulando rasulu 9:34

Ambano Petrus, “Eneas, aitu Yesus Kristus nofekaꞌosako, wanuꞌo toha maka fosintuwu kaodoꞌamu!” Eneas lasao nowanu.

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

2 Korintus 8:12

Kapaꞌamo sumanomo dohelasi dofowaꞌao, o kawaꞌao naꞌa natumahimae Lahataꞌala ane naposahataa bhe ndumandooꞌano ne manusia; Lahataꞌala miina naesalo pata ndumandooꞌano ne manusia.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 4:10

Lahataꞌala nowaꞌangkoomu seemie-seemie kapooli poꞌala-alaꞌano. Dadiꞌanomo pake metaaꞌeomu so poꞌondo-ondofaoꞌomu. Ingka hintimiu mie nefoparasaeano Lahataꞌala tumahimano sabhaha katuno kadawuno.